જામનગર તાલુકાના રાવલસર ગામમાં જાહેરમાં તીનપતિનો જૂગાર રમતા ત્રણ શખ્સોને પોલીસે રૂા.10910 ની રોકડ અને ગંજીપના સાથે ઝડપી લીધા હતાં. જામનગરના ગુલાબનગર પોલીસ ચોકી પાછળ નવનાલામાં ઘોડીપાસાનો જૂગાર રમતા પાંચ શખ્સોને રૂા.3500 ની રોકડ સાથે ઝડપી લઇ નાશી ગયેલા પાંચ સહિતના દશ શખ્સો વિરૂધ્ધ ગુનો નોંધી કાર્યવાહી હાથ ધરી હતી.
દરોડાની વિગત મુજબ પ્રથમ દરોડો, જામનગર તાલુકાના રાવલસર ગામમાં વડના ઝાડ પાસે જાહેરમાં તીનપતિનો જૂગાર રમતા રવજી ઉર્ફે રવો ફકીરા ઠુંગા, પબા ખીરા ટારિયા, લાલા સીંધા ટારિયા નામના ત્રણ શખ્સોને પોલીસે રેઈડ દરમિયાન રૂા.10910 ની રોકડ રકમ અને ગંજીપના સાથે ઝડપી લઇ આગળની કાર્યવાહી હાથ ધરી હતી.
બીજો દરોડો, જામનગર શહેરના ગુલાબનગર ચોકી પાછળ આવેલા નવનાલામાં જાહેરમાં ઘોડીપાસાનો જૂગાર રમતા અજય દિલીપ મકવાણા, દેવરાજ કાનજી સોલંકી, કિશોર જેન્તી રાઠોડ, રોહિત મનુ રાઠોડ, કાસમખાન ઉમરખાન પઠાણ નામના પાંચ શખ્સોને પોલીસે રેઈડ દરમિયાન રૂા.3500 ની રોકડ અને ઘોડીપાસાના બે નંગ સાથે ઝડપી લઈ પૂછપરછ હાથ ધરતા જેન્તી સીદી રાઠોડ, અનિસ ઉર્ફે અનુ પટેલ સુમરા, ઉપો, ફીરીયો ઉર્ફે ટીટો, સાજલો ઉર્ફે જીણકી નામના પાંચ શખ્સો નાશી ગયા હતાં. જેથી પોલીસે દશ શખ્સો વિરુધ્ધ ગુનો નોંધી આગળની કાર્યવાહી હાથ ધરી હતી.
