દરેડમાંથી તીનપતિનો જૂગાર રમતા ત્રણ શખ્સ ઝબ્બે

જામનગર તાલુકાના દરેડ જીઆઈડીસી ફેસ-2 વિસ્તારમાં જાહેરમાં તીનપતિનો જૂગાર રમતા ત્રણ શખ્સોને પોલીસે રૂા.11,045 ની રોકડ રકમ સાથે ઝડપી લીધા હતાં.

જૂગાર દરોડાની વિગત મુજબ, જામનગર તાલુકાના દરેડ જીઆઈડીસી ફેસ-2 માં આવેલા મધુરમ ચોક સામેની ગલ્લીમાં તીનપતિનો જુગાર રમતા હોવાની બાતમીના આધારે પંચકોશી બી ડીવીઝન પોલીસ સ્ટાફે રેઈડ દરમિયાન પરેશ મનસુખ રાઠોડ, પ્રકાશ રમેશ સુનાર, લેખરાજ ભગવાનજી ખુવા નામના ત્રણ શખ્સોને રૂા.11045 ની રોકડ રકમ અને ગંજીપના સાથે ઝડપી લીધા હતાં.