જામનગર શહેરમાં ટ્રેન હેઠળ આવી જતાં યુવાનનું ઘટનાસ્થળે મોત

જામનગર શહેરમાં સત્યમ કોલોની નજીક આવેલા રેલવે ટ્રેક પરથી આજે બપોરે એક યુવાન ટ્રેન હેઠળ આવી જતાં ગંભીર ઈજા પહોંચતા ઘટનાસ્થળે જ મોત નિપજ્યું હતું.

બનાવની વિગત મુજબ, જામનગર શહેરમાં સત્યમ કોલોની પાસેના રેલવે ટ્રેક પરથી પસાર થતી ટ્રેન હેઠળ આજે બપોરના સમયે એક યુવાન આવી જતાં શરીરે તેમજ માથામાં ગંભીર ઈજા પહોંચતા આશરે 30 વર્ષના યુવાનનું ઘટનાસ્થળે જ મોત નિપજ્યું હતું. બનાવની જાણ થતા પોલીસ કાફલો ઘટનાસ્થળે દોડી ગયો હતો અને યુવાનના મૃતદેહનો કબ્જો સંભાળી ઓળખ મેળવવા તજવીજ હાથ ધરી હતી.