રશિયા-યુક્રેન વચ્ચે ચાલી રહેલા યુધ્ધને કારણેવિશ્વને 54,300 મિલિયનથી 60,000 મિલિયનનું આર્થિક નુકસાન થયું છે. યુક્રેનની Kyiv School of Economics (KSE) એ આ દાવો કર્યો છે. તે જ સમયે, 24 ફેબ્રુઆરીથી શરૂ થયેલા યુધ્ધથી, યુક્રેનની અર્થવ્યવસ્થાને 24 માર્ચ સુધી 6300 મિલિયન ડોલરનું નુકસાન થયું છે. યુધ્ધની વચ્ચે યુક્રેનની મદદે વૈશ્વિક અર્થતંત્રને પ્રત્યક્ષ અને પરોક્ષ રીતે હજારો કરોડનું નુકસાન પણ પહોંચાડ્યું છે. રશિયા દાવો કરી રહ્યું છે કે તે યુક્રેનમાં લશ્કરી મથકોને નિશાન બનાવી રહ્યું છે. તે જ સમયે, જો અહેવાલનું માનીએ તો, રશિયન સેનાએ યુક્રેનની શાળાથી લઈને નાના બાળકોને પણ બક્ષ્યા નથી. રશિયાએ બે બંદરો, 44 ધાર્મિક ઈમારતો, 11 શોપિંગ મોલ અને સાત થર્મલ અને હાઈડ્રો ઈલેકિટ્રક પાવર પ્લાન્ટને નષ્ટ કરીને હજારો કરોડનું નુકસાન કર્યું છે.
બે લાખથી વધુ વાહનો કાટમાળમાં ધકેલાઈ ગયા છે. 9.18 લાખથી વધુ લોકો અંધારામાં જીવવા મજબૂર છે. 60 લાખ લોકોને પીવાનું પાણી ઉપલબ્ધ નથી. 7.70 લાખ લોકો ખાવા માટે અનાજ માટે તલપાપડ છે. ગયા વર્ષે સપ્ટેમ્બરમાં સંયુકત રાષ્ટ્ર દ્વારા 3.6 ટકા સાથે વૈશ્ર્વિક વૃધ્ધિદરનો અંદાજ મૂકવામાં આવ્યો હતો. અર્થતંત્ર 2.6 ટકાના દરે વૃદ્ઘિ પામશે, જે યુદ્ઘને કારણે અંદાજની સરખામણીમાં એક ટકા સુધીનો ઘટાડો છે. એક ટ્રિલિયન ડોલરનું દેવું, ઝડપથી વધી રહેલી ફુગાવાની વચ્ચે, વિકસિત દેશો માટે ચૂકવવું મુશ્કેલ બનશે. યુક્રેને ઈન્ટરનેશનલ મોનેટરી ફંડપાસે 140 મિલિયનની મદદ માંગી છે. વિશ્વ બેંકે યુક્રેન માટે અત્યાર સુધીમાં 925 મિલિયનની સહાયની જાહેરાત કરી છે. વિશ્ર્વ બેંકે યુધ્ધગ્રસ્ત યુક્રેનને 350 મિલિયનની મદદ કરી છે. સંયુકત રાષ્ટ્ર 110 કરોડનું ભંડોળ એકત્ર કરી રહ્યું છે. આજની તારીખે, 219 મિલિયન એકત્ર કરવામાં આવ્યા છે.
