ધ્રોલના માણેકપરની સીમના કૂવામાંથી યુવાનનો મૃતદેહ સાંપડયો

ધ્રોલ તાલુકાના માણેકપર ગામની સીમમાં કામ-ધંધો ન મળતા મોટા પરિવારને કારણે આર્થિક સંકળામણ અનુભવતા યુવાને વાડીના કૂવામાં ઝંપલાવી આપઘાત કર્યાના બનાવમાં પોલીસે તપાસ હાથ ધરી હતી.

આ અંગેની વિગત મુજબ, ધ્રોલ તાલુકાના ભંડારિયા હનુમાનજી મંદિર પાસે રહેતા કાલિયાભાઈ કેન્દુભાઈ ચૌહાણ (ઉ.વ.32) નામના યુવાનનો પરિવાર મોટો હતો અને છેલ્લાં થોડા સમયથી છૂટક કામ ધંધો મળતો ન હોવાથી અને દારૂ પીવાની કૂટેવ ધરાવતા યુવાને આર્થિક સંકળામણથી કંટાળીને મંગળવારે સાંજના સમયે ધ્રોલ તાલુકાના માણેકપર ગામની સીમમાં આવેલી નાગજીભાઈ પટેલની વાડીના ખેતરમાં કૂવામાં ઝંપલાવી આપઘાત કર્યો હતો. આ અંગેની જાણ કુંદીબેન કાલિયાભાઈ દ્વારા કરાતા હેકો કે.ડી.કામરીયા તથા સ્ટાફે ફાયર ટીમની મદદથી કૂવામાંથી યુવાનનો મૃતદેહ બહાર કાઢી પીએમ માટે મોકલી આગળની કાર્યવાહી હાથ ધરી હતી.