જામનગરના આંગણે પ્રથમ વખત વેસ્ટર્ન ગેમ જે ભારતીય યુવાનોમાં ખૂબ પ્રચલિત છે. તેવી પીકલબોલની ટુર્નામેન્ટ યોજાઈ હતી.
જામનગરની કેશવારાસ હોટલ સામે બાયપાસ રોડ પર આવેલ પેડલઅપ પીકલબોલ એન્ડ કાફે ખાતે તરંગ મહેતા અને હિતેન પટેલ દ્વારા સ્મેસ ડાઉન સીઝન-1 નું સુંદર આયોજન કરવામાં આવ્યું છે. જેમાં આશરે 130 જેટલી ટીમોએ આ ટૂર્નામેન્ટમાં ભાગ લીધો છે તેમજ આ ટૂર્નામેન્ટમાં વુમન્સ ડબલ, મેન્સ ડબલ, વુમન સીંગલ, મેન્સ સીંગલ જેવા તમામ ફોર્મેટ રમાડવામાં આવે છે. મુળ જામનગરના હાલ દુબઇ રહેતાં બંસી સીમરીયા કહે છે કે, જામનગરમાં પણ આ ગેમ્સ સ્ટાટ થઈ ગઇ છે તે ખુબ ખુશીની વાત છે અને આ ટૂર્નામેન્ટનું આયોજન ખૂબ સુંદર કરવામાં આવ્યું છે. જયારે ડો. જીત ભગદે કહે છિે કે, આ ટૂર્નામેન્ટ એ પીકલ બોલની જામનગરને પ્રથમ ટૂર્નામેન્ટ છે જ્યારે પેડલ અપ એ પ્રથમ એરીના છે કે જ્યાં આ ગેમ રમાય છે.
આમ, આ પીકલ બોલ ગેમના ચાકો માટે હવે ખુશીનો માહોલ જોવા મળી રહ્યો છે કે જ્યાં તેઓ ખૂબ સુંદર રીતે આ ગેમ રમી શકે છે.
