લૈયારા નજીક નવા વોટરપાર્કમાં હાર્ટએટેકથી રાજકોટના પ્રૌઢનું મોત

રાજકોટ-જામનગર ધોરીમાર્ગ પર નવા વોટર પાર્કમાં રાજકોટના પ્રૌઢને અચાનક છાતીમાં દુ:ખાવો ઉપડતા હોસ્પિટલ ખસેડવામાં આવતા જ્યાં તેનું મોત નિપજ્યું હતું.

બનાવની વિગત મુજબ, રાજકોટમાં કણકોટ રોડ પર રઘુકુલ સોસાયટીની બાજુમાં આવેલી મરીન લાઈન્સ સોસાયટીમાં રહેતાં બકુલભાઈ શાંતિલાલ સાતા (ઉ.વ.52) નામના પ્રૌઢને તા.11 ના રોજ બપોરના સમયે જામનગર-રાજકોટ ધોરીમાર્ગ પર લૈયારા ગામ પાસે આવેલા વોટરપાર્કમાં એકાએક છાતીમાં દુ:ખાવો ઉપડતા બેશુદ્ધ થઈ જતા સારવાર માટે રાજકોટની ખાનગી હોસ્પિટલમાં ખસેડવામાં આવ્યા હતાં. જ્યાં તેમનું સારવાર દરમિયાન મોત નિપજ્યાનું તબીબોએ જાહેર કર્યુ હતું. આ અંગે મૃતકના ભાઈ રવિન્દ્રભાઈ દ્વારા જાણ કરાતા હેકો ડી.પી. વઘોરા તથા સ્ટાફે હોસ્પિટલ પહોંચી જઇ મૃતદેહનો કબ્જો સંભાળી આગળની તપાસ હાથ ધરી હતી.