કોંગ્રેસના પુર્વ અધ્યક્ષ રાહુલ ગાંધીને લોકસભાના સભ્યપદેથી દૂર કરાયા બાદ પણ એક બાદ એક એકશન આવી રહ્યા છે. તા.23 માર્ચ એટલે કે ચૂકાદાના દિવસે જ રાહુલ ગાંધીનું લોકસભા સભ્યપદ સંબંધી આદેશ અમલી બનાવાયા છે. વાસ્તવમાં કોંગ્રેસના પુર્વ નેતા અને જાણીતા સિનીયર ધારાશાસ્ત્રી કપિલ સિબ્બલે તે દિવસે જ ઈશારો આપી દીધો હતો કે સુરત કોર્ટના ચૂકાદા સાથે જ રાહુલ ગાંધીનું સભ્યપદ પણ રદ થાય છે અને લોકસભા સચીવાલયે તો ફકત તેનું જાહેરનામુ જ બહાર પાડવાનું હોય છે.
રાહુલ ગાંધીને દોષિત તો જારી કરાયા છે તેની સામે સ્ટે આપ્યો જ ન હતો. ફકત તેઓને 2 વર્ષની જેલ સજાનો જે ચૂકાદો છે તે સસ્પેન્ડ કરાયો હતો અને જામીન અપાયા જેથી રાહુલને તાત્કાલીક જેલમાં જવું પડે નહી. પણ તેમની ‘સજા’ તો છે જ તેથીજ તેમને લોકસભા સભ્યપદેથી દૂર કરવાની ફરજ લોકસભા સચીવાલયે બનાવી છે અને તેમાં તે કાનૂન મુજબ જ નિર્ણય લેવાયો છે.
