ચક્રવાત બિપરજોય ધીમે ધીમે ગુજરાતના દરિયાકાંઠા તરફ આવી રહ્યું છે અને કચ્છ-સૌરાષ્ટ્ર પ્રદેશમાં લેન્ડફોલ કરશે તેવી ધારણા હોવાથી કંડલા અને મુંદ્રા સહિતના મોટા બંદરો સિગ્નલ નંબર 10 જારી થતાં બંધ કરી દેવામાં આવ્યા છે.
આ બંદરો પરના સૂત્રોએ પુષ્ટિ કરી છે કે જહાજ બર્થિંગ સહિત બંદરો પરની પ્રવૃત્તિઓ આગળની સૂચના સુધી અટકાવવામાં આવી છે. અખિલ ગુજરાત ટ્રક ટ્રાન્સપોર્ટર્સ એસોસિએશનના અંદાજો દર્શાવે છે કે બંદરો અચાનક બંધ થવાથી અને ગુજરાતના દરિયાકાંઠે ચક્રવાતની સ્થિતિ પ્રવર્તતી હોવાથી, ઓછામાં ઓછા 11,000 ટ્રક બંદરોની બહાર ફસાયેલા છે. ‘કંડલા પોર્ટ પર લગભગ 8,000 ટ્રક ફસાયેલા છે. તેમાંથી, ટેન્કરો સહિત લગભગ 40% ક્ધટેનર એવા માલથી ભરેલા છે જે નિકાસ થવાના હતા, જયારે બાકીના જે માલસામાન આવ્યા હતા તે એકત્રિત કરવા માટે બંદર પર જતા હતા. સ્થાનિક રીતે હાજર કસ્ટમ્સ બ્રોકર્સ અને ટ્રાન્સપોર્ટરોએ ટ્રકર્સને જરૂરી ખોરાક અને પુરવઠો આપવામાં મદદ કરી છે. સામખીયાળી પાસે રસ્તા પર ટ્રકો પણ ફસાઈ ગઈ છે,’ AGTTAના પ્રમુખ મુકેશ દવેએ જણાવ્યું હતું.
બીજી તરફ, મુન્દ્રા પોર્ટની બહાર લગભગ 3,000 ટ્રક ફસાયેલા છે, દવેએ પુષ્ટિ કરી. હજીરા અને પીપાવાવ બંદરોની બહાર કોઈ મોટા કાર્ગોનો ઢગલો નથી, એમ તેમણે જણાવ્યું હતું.
દવેએ વધુમાં ઉમેર્યું હતું કે, ‘દરિયાકાંઠાના સૌરાષ્ટ્ર વિસ્તારના અલગ-અલગ સ્થળોએ, ઘણા ટ્રકર્સને તેમના વાહનો પાર્ક કરવા અને પરિસ્થિતિ સુધરે ત્યાં સુધી રાહ જોવાની ફરજ પડી હતી. તેમાંથી ઘણા દવાઓ સહિત આવશ્યક ચીજવસ્તુઓ વહન કરતા હતા.’
AGTTAએ સભ્યો અને ગ્રાહકોને સલામતીના ખર્ચે માલસામાનનું પરિવહન ન કરવા અને શિપમેન્ટ લઈ જતી વખતે જરૂરી સાવચેતી રાખવાનો પરિપત્ર જારી કર્યો છે. તેમ ટાઇમ્સ ઓફ ઇન્ડિયા જણાવે છે.
પોર્ટ ઓથોરિટી દ્વારા જારી કરાયેલ એડવાઈઝરીમાં જણાવવામાં આવ્યું છે કે, ‘બંને કંડલા અને મુન્દ્રા પોર્ટ સોમવાર સાંજથી બંધ કરી દેવામાં આવ્યા છે. AGTTA એ તમામ નિકાસકારો અને કસ્ટમ બ્રોકરોને એક પરિપત્ર પણ જારી કર્યો છે, જેમાં જણાવવામાં આવ્યું છે કે પોર્ટ ગેટ અને SEZ ગેટ દ્વારા કાર્ગો વાહનોની અવરજવરના સંદર્ભમાં પોર્ટ ઓપરેશન્સ બંધ કરવામાં આવશે.’
