Friday, April 4, 2025
Homeરાજ્યજામનગરજામનગર જિલ્લામાં ક્રિકેટનો જૂગાર રમાતા ત્રણ સ્થળોએ પોલીસનો દરોડો

જામનગર જિલ્લામાં ક્રિકેટનો જૂગાર રમાતા ત્રણ સ્થળોએ પોલીસનો દરોડો

જોડિયા તાલુકાના કુન્નડ ગામમાં જાહેરમાં આઈપીએલ 20-20 ક્રિકેટ ટૂર્નામેન્ટમાં સનરાઇઝ હૈદરાબાદ અને દિલ્હી કેપિટલ વચ્ચે રમાતી ક્રિકેટ મેચ પર જૂગાર રમાડતા શખ્સને દબોચી લઇ આગળની કાર્યવાહી હાથ ધરી હતી. જામનગરમાં ગુજરાત ટાઈટન્સ અને મુંબઈ ઈન્ડિયન્સ વચ્ચે રમાતા ક્રિકેટ મેચ પર જુગાર રમાડતા શખ્સને સિટી એ ડીવીઝન પોલીસે દબોચી લીધો હતો. જામનગરમાં ચાંદીબજારમાંથી પોલીસે એક શખસને આઈપીએલ ઉપર જૂગાર રમાડતો ઝડપી લીધો હતો.

- Advertisement -

દરોડાની વિગત મુજબ પ્રથમ દરોડો, જોડિયા તાલુકાના કુન્નડ ગામમાં આવેલા બગીચા નજીક જાહેરમાં ક્રિકેટનો જૂગાાર રમતા હોવાની બાતમીના આધારે એલસીબી પીઆઈ વી.એમ. લગારીયા તથા સ્ટાફે રેઈડ દરમિયાન ભારતમાં રમાતીઆઈપીએલ 20-20 ક્રિકેટ ટૂર્નામેન્ટમાં રવિવારે સનરાઈઝ હૈદરાબાદ અને દિલ્હી કેટિપલના મેચના પ્રસારણ ઉપર હારજીતનો જૂગાર રમાડતા ભગવાનસંગ ભાવસંગ પીંગળ નામના શખ્સને રૂા.25 હજારની રોકડ રકમ, રૂા. 5000 નો મોબાઇલ મળી કુલ રૂા.30 હજારની કિંમતના મુદ્દામાલ સાથે ઝડપી લઇ ગુનો નોંધી પૂછપરછ હાથ ધરતાં કપાત કરાવનાર શખ્સની સંડોવણી ખુલતા આગળની કાર્યવાહી હાથ ધરી હતી.

બીજો દરોડો, જામનગર શહેરના દિ.પ્લોટ 25 માં અમદાવાદમાં રમાતા આઈપીએલ 20-20 ક્રિકેટ ટૂર્નામેન્ટમાં ગુજરાત ટાઈટન્સ અને મુંબઇ ઈન્ડિયન્સ વચ્ચે રમાતા ક્રિકેટ મેચ પર હારજીતના સોદા કરાવતા હોવાની બાતમીના આધારે સિટી એ ડીવીઝન પોલીસ સ્ટાફે રેઈડ દરમિયાન જીગ્નેશ રસીક નાખવા નામના શખ્સને રૂા.1300 ની રોકડ રકમ અને રૂા.5000 ની કિંમતનો મોબાઇલ ફોન મળી કુલ રૂા.6300 ના મુદ્દામાલ સાથે ઝડપી લઇ ગુનો નોંધી વધુ તપાસ આરંભી હતી.

- Advertisement -

ત્રીજો દરોડો, જામનગર શહેરના ચાંદીબજાર સર્કલ પાસે જાહેરમાં ટીવીમાં આવતા ગુજરાત ટાઈટન્સ અને મુંબઇ ઈન્ડિયન્સ વચ્ચે રમાતા આઈપીએલ મેચના લાઇવ પ્રસારણ ઉપર રનફેરનો જૂગાર રમતા સતિષ ઉર્ફે સતિયો હરીશ મંગે નામના શખ્સને સિટી એ ડીવીઝન પોલીસ સ્ટાફે રેઈડ દરમિયાન રૂા.2400 ની રોકડ રકમ અને રૂા.200 ની કિંમતનો મોબાઇલ ફોન મળી કુલ રૂા.2600 ના મુદ્દામાલ સાથે ઝડપી લીધો હતો અને પૂછપરછ કરતા સતિષ જામનગરના રાકેશ (મો.93164 44611) પાસે કપાત કરાવતો હોવાનું ખુલતા પોલીસે બે શખ્સો વિરૂધ્ધ ગુનો નોંધી આગળની કાર્યવાહી હાથ ધરી હતી.

- Advertisement -
RELATED ARTICLES
- Advertisment -

Most Popular