જામજોધપુર ગીંગણી રોડ શુભ હોન્ડાની બાજુમાં પાણી નિકાલનું અધુરા કામનો પાઇપ છે જે અત્યંત જોખમી છે. શનિવારે ત્યાં એક ફોરવ્હીલએ ખાડામાં ઉતરી ગઇ હતી. સદ્નસિબે મોટી જાનહાની ટળી હતી. આ પુલનો ખાડો વધારે જોખમી ત્યારે બને જ્યારે ચોમાસામાં ત્યાં પાણી ભરાય છે. ત્યારે ખબર જ નથી પડતી કે ત્યાં ખાડો છે કે, નહીં. વળી એ પુલ નીચે એટલો બધો કચરો ભરાય ગયો છે કે, તેમાંથી પાણી પણ પસાર નથી થઇ શકતું.
જામજોધપુર નગરપાલિકાને આ અંગેની સ્થાનિક લોકોએ ત્રણવાર રજૂઆત કરી પણ તંત્ર આંખ આડા કાન કરે છે. તો આ ગંભીર બાબતને ધ્યાને રાખી અધુરૂં કામ પુરું કરી ભવિષ્યમાં કોઇ જાનહાની ન થાય એ અંગે ઘટતું કરવા ગ્રામજનો તથા જાગૃત નાગરિક હરેશ ચિત્રોડાએ માંગ કરી છે.
- Advertisement -
