પાકિસ્તાનના વડાપ્રધાન ઈમરાન ખાનને કોરોના,તાજેતરમાં લીધી હતી ચીનની વેકસીન

પાકિસ્તાનના વડાપ્રધાન ઈમરાન ખાનનો કોરોના રિપોર્ટ પોઝિટિવ આવ્યો છે. પાક.ના સ્વાસ્થ્યમંત્રી ફૈઝલ સુલતાને એક ટ્વીટ કરી આ અંગેની જાણકારી આપી હતી. તેમણે કહ્યું હતું કે વડાપ્રધાનનો કોરોના રિપોર્ટ પોઝિટિવ આવ્યો છે અને તેઓ ઘરે જ સેલ્ફ આઇસોલેશનમાં છે.

વડાપ્રધાન ઈમરાન ખાને ચીનથી આવેલી કોરોનાવાયરસ માટેની વેક્સિન સિનોફાર્મનો પહેલો ડોઝ લીધો હતો. એક દિવસ બાદ જ તેમનો કોવિડ ટેસ્ટ પોઝિટિવ આવ્યો છે. પોતે વેક્સિન લીધા બાદ ઈમરાન ખાને પાકિસ્તાનના નાગરિકોને પણ વેક્સિનેશન કરાવવા માટે કહ્યું હતું.

પાકિસ્તાનમાં અત્યારસુધીમાં 6 લાખ 56 હજાર કેસ નોંધાયા છે અને 13 હજાર 799 લોકોનાં મોત થયાં છે. પાકિસ્તાનમાં હાલ 29 હજાર 576 એક્ટિવ કેસ છે.