સ્વ. હેમતભાઇ રામભાઇ માડમ મેમોરીયલ ટ્રસ્ટ-જામનગરના સૌજન્યથી આહિર એક્ટિવ ગ્રુપ-જામનગર દ્વારા આયોજીત સ્વ. હેમતભાઇ રામભાઇ માડમ મેમોરીયલ ટ્રોફી-2023-24 ઓપન ગુજરાત ટેનિસ બોલ ડે ક્રિકેટ ટુર્નામેન્ટનું આયોજન 14 વર્ષથી વધુ વયજૂથના આહિર સમાજના ખેલાડીઓ માટે કરવામાં આવ્યું છે.
જામનગર ખાતે વિશાલ હોટલ સામે આવેલ વસંત પરિવારની વાડીના મેદાનમાં આ ટુર્નામેન્ટનો પ્રારંભ તા. 24ના કરવામાં આવશે. આહિર સમાજના ખેલાડીઓ માટે મર્યાદિત ઓવરની ડે ક્રિકેટ ટુર્નામેન્ટમાં ભાગ લેવા માટેના નિયમ ફોર્મ જામનગરમાં સ્વ. હેમતભાઇ રામભાઇ માડમ મેમોરીયલ ટ્રસ્ટ, નીઓ સ્કવેર, અંબર સિનેમાની બાજુમાં ફોન 0288-2676688, ખંભાળિયામાં સ્વ. હેમતભાઇ રામભાઇ માડમ મેમોરીયલ ટ્રસ્ટ, પોસ્ટ ઓફિસ રોડ, ફોન : 02833-233388, ભાણવડમાં સ્વ. હેમતભાઇ રામભાઇ માડમ મેમોરીયલ ટ્રસ્ટ, વેરાડનાકા બહાર ફોન : 02896-232188 સ્થળેથી મળી શકશે.
ટુર્નામેન્ટમાં મર્યાદિત સંખ્યામાં ટીમ લેવાની હોવાથી વ્હેલા તે પહેલાના ધોરણે એન્ટ્રી સ્વીકારવામાં આવશે. ટુર્નામેન્ટનો ડ્રો. તા. 21ના રોજ રાત્રે 6:30 વાગ્યે સત્યમ કોલોની, આહિર સમાજની વાડી, જામનગર ખાતે રાખેલ છે. ટુર્નામેન્નો ફાઇનલ મેચ તા. 7-1-2024ના દિવસે રાખવામાં આવેલ છે.
આ ટુર્નામેન્ટ અંગે વિગતવાર માહિતી માટે આયોજક આનંદ માડમ, મયુરભાઇ આહિર, મો. 99799 59616, ભરતભાઇ બેડીયાવદરા મો. 99785 53757, લાલાભાઇ ગોજીયા મો. 8200057572, રામભાઇ ભેટારીયા મો. 990299146નો સંપર્ક કરવા યાદીમાં જણાવ્યું છે.
