ગરમીની શરૂઆતની સાથે જ દેશમાં મૌસમી ફળની સીઝન શરુ થઈ ગઈ છે અને કેરીની માગ વધવા લાગી છે. કેરીને ફળોના રાજા કહેવાય છે અને દેશમાં તેની કેટલાય વેરાયટી જોવા મળે છે. તેમાં તોતાપરી, લંગડા, બદામ, દશેરી, ચૌસા, અલફોન્ઝો, કેશર અને હાપુસ સહિત અન્ય જાતની કેરી સામેલ છે. આ ભારતીય કેરીની માગ દેશની સાથે સાથે વિદેશોમાં પણ હોય છે અને તે મોંઘા ભાવે વેચાય છે. અમે આપને એક એવી કેરી વિશે વાત કરવા જઈ રહ્યા છીએ, જે 100, 200, 300 અથવા 1 હજાર રૂપિયે કિલો નહીં પણ અઢી લાખ રૂપિયા કિલોના ભાવે વેચાય છે. આ સાંભળીને આપને પણ હેરાની થઈ જશે કે, 1 કિલો મેંગોની કિંમત 2.50 લાખ રૂપિયા, આખરે આ કઈ વેરાયટીની કેરી છે?
જાપાનમાં આ કેરીની હરાજીમાં અઢી લાખ રૂપિયા પ્રતિ કિલોના ભાવે વેચાઈ છે. જયારે મધ્ય પ્રદેશમાં આ કેરી 20 હજાર રૂપિયા પ્રતિ કિલોના ભાવે વેચાય છે. 1 કિલોમાં લગભગ 5 કેરી આવે છે. જો ભાવના હિસાબથી જોઈએ તો, 1 કેરી 4000 રૂપિયામાં પડે છે.
2.50 લાખ રૂપિયા પ્રતિ કિલોગ્રામ સુધી વેચાતી આ કેરીનું નામ મિયાઝાકી છે, જેને દુનિયાની સૌથી મોંઘી કેરી કહેવાય છે. આ જાપાની વેરાયટી મેંગો છે. જાપાનની મિયાઝાકી શહેરમાં ઉગતી આ કેરી ચમકીલા રંગ અન ઈંડાના આકારના કારણે સૂર્યનું ઈંડું પણ કહેવાય છે. તેને આમ તો એપ્રિલ અને ઓગસ્ટની વચ્ચે ઉગાડ઼વામાં આવે છે અને પાકવા પર આ કેરી જાંબલી રંગમાંથી લાલ રંગની થઈ જાય છે. કોટાના ખેડૂત શ્રીકિશન સુમને રણપ્રદેશમાં મિયાઝાકી કેરીની મદર પ્લાન્ટ લગાવ્યો છે. છેલ્લા 5 વર્ષથી મિયાઝાકી કેરીની જાત પર કામ કરી રહ્યા છે. અત્યાર સુધીમાં શ્રીકિશને 50 છોડ વેચી ચુક્યા છે અને તેમની પાસે 100 છોડનો ઓર્ડર છે.
મિયાઝાકી કેરીનો સરેરાશ વજન લગભગ 350 ગ્રામ હોય છે. તેમાં શુગરની માત્રા સામાન્ય કેરીની સરખામણીમાં 15 ટકા વધારે હોય છે. આ ફળમાં એન્ટીઓક્સીડેન્ટ, બીટા કૈરોટીન અને ફોલિક એસિડ પ્રચુર માત્રામાં હોય છે. રીંગણી રંગની આ કેરી હવે બાંગ્લાદેશ, ભારત, થાઈલેન્ડ અને ફિલીપાઈન્સમાં પણ ઉગે છે. ખાસ કરીને એક મિયાઝાકી કેરીની કિંમત 3500 રૂપિયા હોય છે, પણ 2021માં જાપાનમાં 2 કેરીની હરાજી 2.7 લાખ રૂપિયામાં થઈ હતી.
