સેન્ટ્રલ ઇન્વેસ્ટિગેશન એજન્સી હવે લંડનમાં ભારતીય હાઈ કમિશનની સામે પ્રદર્શન કેસની તપાસ કરશે. લંડન સ્થિત ભારતીય હાઈકમીશન સામે થયેલ વિરોધ પ્રદર્શન કેસમાં પાકિસ્તાની અને ખાલિસ્તાની સમર્થકો સાથે સંબંધિત ષડયંત્રના ઇનપુટ્સ મળ્યા છે, જેના પછી એનઆઇએએ દિલ્હી પોલીસના સ્પેશિયલ સેલ દ્વારા નોંધાયેલા કેસને પોતાના હાથે લીધો છે.અહેવાલના જણાવ્યા અનુસાર, એનઆઇએઅને કેસ નોંધવા માટે કેન્દ્રીય ગૃહ મંત્રાલય તરફથી લીલી ઝંડી મળી ગઈ છે. જો કે એનઆઇએ તરફથી હજુ સુધી આ મામલે કોઈ સત્તાવાર નિવેદન આપવામાં આવ્યું નથી. 19 માર્ચે લંડનમાં ભારતીય હાઈ કમિશનની બહાર વિરોધ પ્રદર્શન કરવામાં આવ્યું હતું. આ દરમિયાન ત્રિરંગાનું પણ અપમાન થતું જોવા મળ્યું હતું. આ ઘટના પછી, ગૃહ મંત્રાલયના આદેશ પર, 24 માર્ચે દિલ્હી પોલીસના સ્પેશિયલ સેલ દ્વારા ખાલિસ્તાની અને તેના સમર્થકો વિરુદ્ધ કેસ નોંધવામાં આવ્યો હતો.
