કોચિંગ ક્લાસ એસો. અને ભાજપા શિક્ષણ સેલ દ્વારાબોર્ડના વિદ્યાર્થીઓ માટે મોડેલ ટેસ્ટ યોજાઈ

આગામી સમયમાં ધોરણ 10 અને 12 ના વિદ્યાર્થીઓની બોર્ડની પરીક્ષા આવી રહી છે ત્યારે વિદ્યાર્થીઓને બોર્ડની પરીક્ષાની તૈયારી અને માર્ગદર્શન મળી રહે તે માટે જામનગર કોચિંગ ક્લાસ એસોશીએશન અને ભારતીય જનતા પાર્ટી શિક્ષણ સેલ દ્વારા આજરોજ બોર્ડના વિદ્યાર્થીઓ માટે મોડેલ ટેસ્ટનું આયોજન કરવામાં આવ્યું હતું. જેમાં અંદાજે 2000 જેટલા વિદ્યાર્થીઓ એ ભાગ લીધો હતો. આ તકે જામનગર શહેર ભાજપ પ્રમુખ ડૉ. વિમલભાઈ કગથરા, મેયર બીનાબેન કોઠારી, સ્ટેન્ડિંગ કમિટી ચેરમેન મનીષભાઈ કટારીયા, ભાજપ મીડિયા વિભાગના ભાર્ગવભાઈ ઠાકર તેમજ જામનગર કોચિંગ ક્લાસ એસોશીએશન ના હોદ્દેદારો ઉપસ્થિત રહ્યા હતા.