અંડર-16 ઇન્ટર ડિસ્ટ્રીકટ ટુર્નામેન્ટમાં રાજકોટ (રૂરલ)-દ્વારકા વચ્ચે મેચ

જામનગરના ક્રિકેટ બંગલા ખાતે બીસીસીઆઇ તથા સૌરાષ્ટ્ર ક્રિકેટ એસોસિએશન દ્વારા આયોજિત અંડર-16 ઇન્ટર ડિસ્ટ્રીકટ ક્રિકેટ ટુર્નામેન્ટ યોજાઇ રહી છે. જેમાં આજે ટુર્નામેન્ટના બીજા દિવસે રાજકોટ-રૂરલ તથા દેવભૂમિ દ્વારકા વચ્ચે મેચ યોજાયો હતો. જેમાં હર્ષાબા જાડેજાએ ટોસ ઉછાળી મેચનો પ્રારંભ કરાવ્યો હતો. આ મેચમાં દેવભૂમિ દ્વારકાની ટીમે ટોસ જીતી પ્રથમ બેટિંગ પસંદ કરી હતી. આ તકે હર્ષાબા જાડેજા ઉપરાંત મોહનસિંહ જાડેજા, ભરતસિંહ જાડેજા, મહેન્દ્રસિંહ ચૌહાણ, વિનુભાઇ ધ્રુવ, ભરતભાઇ મથર સહિતના અતિથિઓ ઉપસ્થિત રહ્યાં હતાં અને બન્ને ટીમોના ખેલાડીઓને શુભેચ્છા પાઠવી હતી.