જામનગર શહેરના વિકટોરિયા પુલ પાસેથી પસાર થતાં શખ્સને એલસીબીની ટીમએ આંતરીને તલાશી લેતાં તેના કબ્જામાંથી 55 બોટલ ઇંગ્લીશ દારૂ મળી આવતાં ધરપકડ કરી આગળની કાર્યવાહી આરંભી હતી. જામજોધપુર તાલુકાના શેઠવડાળાથી કલ્યાણપુર જવાના માર્ગ પરથી પોલીસે દારૂની બોટલ સાથે શખ્સને ઝડપી લીધો હતો.
આ દરોડાની વિગત મુજબ પ્રથમ દરોડો જામનગર શહેરના વિકટોરિયા પુલ પાસેથી દારૂની બોટલના જથ્થા સાથે શખ્સ પસાર થવાની એલસીબીના ઘનશ્યામભાઇ ડેરવાડિયા, ધર્મેન્દ્રસિંહ જાડેજાને મળેલી બાતમીના આધારે પીઆઈ વી.એમ. લગારીયા, પીએસઆઇ સી. એમ. કાંટેલિયા, પી.એન. મોરી તથા સ્ટાફના હરપાલસિંહ સોઢા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલાવાડિયા, હિરેનભાઇ વરણવા, હિતેન્દ્રસિંહ જાડેજા, અરજણભાઈ કોડીયાતર, મયુદીનભાઈ સૈયદ, ક્રિપાલસિંહ જાડેજા, કાસમ બ્લોચ, નિર્મળસિંહ જાડેજા, બળવંતસિંહ પરમાર, મયૂરસિંહ પરમાર, યુવરાજસિંહ ઝાલા, ભયપાલસિંહ જાડેજા, અજયભાઇ વીરડા, કિશોરભાઈ પરમાર, ઋષિરાજસિંહ વાળા, ભરતભાઇ ડાંગર, ઘનશ્યામભાઇ ડેરવાડિયા, સુમિતભાઇ શિયાર, સુરેશભાઇ માલકિયા, ધર્મેન્દ્રસિંહ જાડેજા, દયારામ ત્રિવેદી, બિજલભાઈ બારાસરા, ધર્મેન્દ્રસિંહ જાડેજા, ભારતીબેન ડાંગર સહિતના સ્ટાફે વોચ ગોઠવી હતી.
આ વોચ દરમ્યાન બાતમી મુજબનો શખ્સ પસાર થતાં એલસીબીની ટીમએ પરેશ જીવા ગોરડિયા (રહે. ઘઉંના ગોડાઉન સામે, દરેડ, તા. જિ. જામનગર) નામના શખ્સને આંતરીને તલાશી લેતાં તેના કબ્જામાંથી રૂા. 8700ની કિંમતની ઇંગ્લીશ દારૂની 55 નંગ નાની બોટલ મળી આવતાં એલસીબીએ રૂા. 5 હજારનો મોબાઇલ મળી કુલ રૂપિયા 13,700ના મુદામાલ સાથે ધરપકડ કરી પ્રોહિબિશન અંગેનો ગુનો નોંધી આગળની તપાસ હાથ ધરી હતી.
બીજો દરોડો જામજોધપુર તાલુકાના શેઠવડાળા ગામથી કલ્યાણપુર જવાના માર્ગ પર પસાર થતાં આરિફ હનિફ નોતિયાર નામના શખ્સને શેઠવડાળા પોલીસે આંતરીને તલાશી લેતા તેના કબ્જામાંથી દારૂની બોટલ મળી આવતા ધરપકડ કરી આગળની કાર્યવાહી હાથ ધરી હતી.
