જામનગર શહેરના કડિયાવાડ વિસ્તારમાં રહેતાં શખ્સના મકાનમાંથી પોલીસે રેઇડ દરમ્યાન રૂા. 12 હજારની કિંમતના 60 નંગ ચપલા સાથે શખ્સને ઝડપી લઇ સપ્લાયરની શોધખોળ આરંભી હતી.
દરોડાની વિગત મુજબ જામનગર શહેરના કડિયાવાડમાં માધાણી શેરીમાં રહેતાં હિરેન ઉફે પોપટ પ્રાણલાલ વસાણી (ઉ.વ.35) નામના શખ્સના મકાનમાં દારૂનો જથ્થો હોવાની કિશોરભાઇ પરમાર, સુમિતભાઇ શિયારને મળેલી બાતમીના આધારે પીઆઈ વી.એમ. લગારીયા, પીએસઆઇ સી. એમ. કાંટેલિયા, પી.એન. મોરી તથા સ્ટાફના હરપાલસિંહ સોઢા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલાવાડિયા, હિતેન્દ્રસિંહ જાડેજા, અરજણભાઈ કોડીયાતર, મયુદીનભાઈ સૈયદ, ક્રિપાલસિંહ જાડેજા, કાસમ બ્લોચ, નિર્મળસિંહ જાડેજા, કિશોરભાઈ પરમાર, ઋષિરાજસિંહ વાળા, મયુરસિંહ પરમાર, ભરતભાઇ ડાંગર, ઘનશ્યામભાઇ ડેરવાડિયા, સુમિતભાઇ શિયાર, સુરેશભાઇ માલકિયા, ધર્મેન્દ્રસિંહ જાડેજા, દયારામ ત્રિવેદી, બિજલભાઈ બારાસરા, ધર્મેન્દ્રસિંહ જાડેજા, ભારતીબેન ડાંગર સહિતના સ્ટાફે રેઇડ કરી હતી.
રેઇડ દરમિયાન તલાશી લેતાં મકાનમાંથી રૂા. 12 હજારની કિંમતના ઇંગ્લીશ દારૂના 60 નંગ ચપલા મળી આવતાં એલસીબીએ હિરેન ઉર્ફે પોપટને દબોચી લઇ પૂછપરછ હાથ ધરતાં તેણે દારૂનો આ જથ્થો રોહિત ઉર્ફે ગટી જેન્તી ચાવડા નામના શખ્સે સપ્લાય કર્યાની કેફિયતના આધારે એલસીબીએ બે શખ્સો વિરૂઘ્ધ ગુનો નોંધી આગળની તપાસ આરંભી હતી.
