જામનગર શહેરમાં સ્મશાની પાછળ, બાવળની કાટમાંથી એલસીબીની ટીમએ મળેલી બાતમીના આધારે ઇંગ્લીશ દારૂના 179 નંગ ચપટા સાથે શખ્સને ઝડપી લઇ પૂછપરછ આરંભી હતી.
દરોડાની વિગત મુજબ જામનગરમાં સ્મશાનની પાછળ નદીના કાંઠે દારૂના ચપટા સાથે શખ્સ હોવાની એલસીબીના ઋષિરાજસિંહ વાળા, હિતેન્દ્રસિંહ જાડેજા અને કાસમભાઇ બલોચને મળેલી બાતમીના આધારે પીઆઈ વી.એમ. લગારીયા, પીએસઆઇ સી. એમ. કાંટેલિયા, પી.એન. મોરી તથા સ્ટાફના હરપાલસિંહ સોઢા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલાવાડિયા, હિતેન્દ્રસિંહ જાડેજા, અરજણભાઈ કોડીયાતર, મયુદીનભાઈ સૈયદ, ક્રિપાલસિંહ જાડેજા, કાસમ બ્લોચ, નિર્મળસિંહ જાડેજા, કિશોરભાઈ પરમાર, ઋષિરાજસિંહ વાળા, મયુરસિંહ પરમાર, ભરતભાઇ ડાંગર, ઘનશ્યામભાઇ ડેરવાડિયા, સુમિતભાઇ શિયાર, સુરેશભાઇ માલકિયા, ધર્મેન્દ્રસિંહ જાડેજા, દયારામ ત્રિવેદી, બિજલભાઈ બારાસરા, ધર્મેન્દ્રસિંહ જાડેજા, ભારતીબેન ડાંગર સહિતના સ્ટાફે રેઇડ કરી હતી.
રેઇડ દરમ્યાન એલસીબીએ દિવ્યરાજસિંહ જીતુભા પરમાર (રહે. નાગેશ્ર્વર રોડ) નામના શખ્સને આંતરીને તેના કબ્જામાંથી રૂા. 17900ની કિંમતના 179 નંગ ઇંગ્લીશ દારૂના ચપટા મળી આવતાં પોલીસે પાંચ હજારની કિંમતનો મોબાઇલ ફોન મળી કુલ રૂા. 22,900ના મુદામાલ સાથે ઝડપી લઇ પૂછપરછ હાથ ધરતાં આ દારૂનો જથ્થો ઉમંગ ફલિયા દ્વારા સપ્લાય કરાયો હોવાની કેફિયત આપતા એલસીબીએ બે શખ્સો વિરૂઘ્ધ ગુનો નોંધી આગળની કાર્યવાહી હાથ ધરી હતી.
