જામનગર-રાજકોટ ધોરીમાર્ગ પર જાંબુડા ગામના પાટિયા નજીકથી પસાર થતી જામનગર પાર્સિંગની સ્વીફ્ટ કારને એલસીબીની ટીમએ આંતરીને તલાશી લેતાં તેમાંથી 480 બોટલ દારૂ અને બે મોબાઇલ ફોન સાથે બે શખ્સને ઝડપી લઇ ત્રણ શખ્સ સામે ગુનો નોંધી આગળની કાર્યવાહી હાથ ધરી હતી.
આ દરોડાની વિગત મુજબ જામનગર-રાજકોટ ધોરીમાર્ગ પર જાંબુડા ગામના પાટિયા પાસેથી પસાર થનારી કારમાં દારૂનો જથ્થો હોવાની એલસીબીના યુવરાજસિંહ ઝાલા, દિલીપભાઇ તલાવડિયા, ઋષિરાજસિંહ વાળાને મળેલી સંયુક્ત બાતમીના આધારે પોલીસ અધિક્ષક ડો. રવિ મોહન સૈની અને ઇન્ચાર્જ એસપી પ્રતિભાની સૂચના અનુસાર પીઆઈ વી.એમ. લગારીયા, પીએસઆઇ સી. એમ. કાંટેલિયા, પી.એન. મોરી તથા સ્ટાફના હરપાલસિંહ સોઢા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલાવાડિયા, હિરેનભાઇ વરણવા, હિતેન્દ્રસિંહ જાડેજા, અરજણભાઈ કોડીયાતર, મયુદીનભાઈ સૈયદ, ક્રિપાલસિંહ જાડેજા, કાસમ બ્લોચ, નિર્મળસિંહ જાડેજા, બળવંતસિંહ પરમાર, મયૂરસિંહ પરમાર, યુવરાજસિંહ ઝાલા, ભયપાલસિંહ જાડેજા, અજયભાઇ વીરડા, કિશોરભાઈ પરમાર, ઋષિરાજસિંહ વાળા, ભરતભાઇ ડાંગર, ઘનશ્યામભાઇ ડેરવાડિયા, સુમિતભાઇ શિયાર, સુરેશભાઇ માલકિયા, ધર્મેન્દ્રસિંહ જાડેજા, દયારામ ત્રિવેદી, બિજલભાઈ બારાસરા, ધર્મેન્દ્રસિંહ જાડેજા, ભારતીબેન ડાંગર સહિતના સ્ટાફે વોચ ગોઠવી હતી.
દરમ્યાન બાતમી મુજબની જીજે10-એસી-1805 નંબરની જામનગર પાર્સિંગની સ્વીફ્ટ કાર પસાર થતાં એલસીબીએ કારને આંતરીને તલાશી લેતા તેમાંથી રૂ. 1,68,000ની કિંમતની 480 બોટલ ઇંગ્લીશ દારૂ, રૂા. 5500ની કિંમતના બે મોબાઇલ ફોન, રૂા. 3 લાખની કિંમતની સ્વિફ્ટ કાર મળી કુલ રૂા. 4,73,500ના મુદામાલ સાથે વિશાલ પ્રવીણ માવ અને જયેશ ઉર્ફે જયુ સિંધી કિશોર ચાંદ્રા (રહે. જામનગર) નામના બે શખ્સને ઝડપી લઇ પૂછપરછ હાથ ધરતાં આ દારૂનો જથ્થો યુપીનો વતની અને ધ્રોલમાં રહેતા ક્રિપાશંકર ઓમકારનાથ શર્મા દ્વારા સપ્લાય કરાયાની કેફિયતના આધારે ત્રણ શખ્સો વિરૂઘ્ધ ગુનો નોંધી આગળની કાર્યવાહી હાથ ધરી હતી.
