જામનગર તાલુકાના ફલ્લા ગામના પ્લોટ વિસ્તારમાં આવેલા મકાનમાં ચાલતા જુગાર સ્થળે એલસીબીની ટીમએ રેઇડ દરમ્યાન આઠ શખ્સને ઝડપી લઇ રૂપિયા 11,03,000ની રોકડ, રૂા. 95 હજારના મોબાઇલ તથા બાઇક સાથે કુલ રૂા. 12,38,000નો મુદામાલ કબ્જે કરી આગળની કાર્યવાહી હાથ ધરી હતી.
આ જુગાર દરોડાની વિગત મુજબ જામનગર તાલુકાના ફલ્લા ગામમાં આવેલા પ્લોટ વિસ્તારમાં રહેતાં મિતેશ ધમસાણિયાના મકાનમાં જુગારનો અખાડો ચાલતો હોવાની મયૂરસિંહ પરમાર, હિતેન્દ્રસિંહ જાડેજા, યુવરાજસિંહ ઝાલા અને ઋષિરાજસિંહ વાળાને મળેલી સંયુક્ત બાતમી તળે પોલીસ અધિક્ષક ડો. રવિ મોહન સૈનીની સૂચનાથી પીઆઈ વી.એમ. લગારીયા, પીએસઆઇ સી. એમ. કાંટેલિયા, પી.એન. મોરી તથા સ્ટાફના હરપાલસિંહ સોઢા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલાવાડિયા, હિરેનભાઇ વરણવા, હિતેન્દ્રસિંહ જાડેજા, અરજણભાઈ કોડીયાતર, મયુદીનભાઈ સૈયદ, ક્રિપાલસિંહ જાડેજા, કાસમ બ્લોચ, નિર્મળસિંહ જાડેજા, બળવંતસિંહ પરમાર, મયૂરસિંહ પરમાર, યુવરાજસિંહ ઝાલા, ભયપાલસિંહ જાડેજા, અજયભાઇ વીરડા, કિશોરભાઈ પરમાર, ઋષિરાજસિંહ વાળા, ભરતભાઇ ડાંગર, ઘનશ્યામભાઇ ડેરવાડિયા, સુમિતભાઇ શિયાર, સુરેશભાઇ માલકિયા, ધર્મેન્દ્રસિંહ જાડેજા, દયારામ ત્રિવેદી, બિજલભાઈ બારાસરા, ધર્મેન્દ્રસિંહ જાડેજા, ભારતીબેન ડાંગર સહિતના સ્ટાફે રેઇડ કરી હતી.
આ રેઇડમાં એલસીબીની ટીમએ મિતેશ ગણેશ ધમસાણિયા, સ્મિત કાનજી દલસાણિયા, વસંત હરખાભાઇ નાગપરા, બિપીન વીરજી અઘેરા, વિનોદ રવજી કાનાણી, નિલેશ ભવાન ભીમાણી, જયસુખ નારણ ધમસાણિયા, અરવિંદ મોહન ભીમાણી નામના આઠ શખ્સોને રૂા. 11,03,000ની રોકડ રકમ, રૂા. 95 હજારની કિંમતના આઠ નંગ મોબાઇલ, રૂા. 40 હજારની કિંમતનું એક નંગ બાઇક, ગંજીપના સાથે ઝડપી લઇ ગુનો નોંધી આગળની કાર્યવાહી હાથ ધરી હતી.
