જામનગર શહેરના સ્વામિનારાયણ નગર વિસ્તારમાં આવેલા રહેણાંક મકાનમાં ચાલતા તીનપતિના જૂગાર સ્થળે એલસીબીની ટીમે રેઈડ દરમિયાન છ શખ્સોને રૂા.31070ની રોકડ અને છ મોબાઇલ સહિત રૂા.66 હજારના મુદદ્દામાલ સાથે ઝડપી લઇ આગળની કાર્યવાહી હાથ ધરી હતી. જામનગરના નાગનાથ ગેઈટ પાસેના વિસ્તારમાં ઘોડીપાસાનો જૂગાર રમતા ચાર શખ્સોને પોલીસે રૂા.16,200ની રોકડ રકમ અને ઘોડીપાસાના બે નંગ સાથે ઝડપી લઇ આગળની કાર્યવાહી હાથ ધરી હતી. કાલાવડ તાલુકાના મુળીલા ગામમાંથી તીનપતિનો જૂગાર રમતા ચાર શખ્સોને પોલીસે ઝડપી લીધા હતાં.
જૂગાર દરોડાની વિગત મુજબ, પ્રથમ દરોડો જામનગર શહેરના સ્વામિનારાયણ નગર વિસ્તારમાં રહેતા પરેશ નરશી રાઠોડ નામનો શખ્સ તેના ઘરે જૂગારનો અખાડો ચલાવતો હોવાની એલસીબીના ધાના મોરી, વનરાજ મકવાણાને મળેલી બાતમીના આધારે ઈન્ચાર્જ પોલીસવડા નિતેશ પાંડેયની સૂચનાથી પીઆઇ એસ. એસ. નિનામા તથા સ્ટાફ દ્વારા રેઈડ દરમિયાન પરેશ નરશી રાઠોડ, વાલજી પેથા વઘોરા, યુનુસ ઉમર દરજાદા, સલીમ અલારખા ખીરા, હરેશ જયસુખ ત્રિવેદી અને સુનિલ મનુ ગોહિલ નામના છ શખ્સોને રૂા.31070 ની રોકડ રકમ અને રૂા.30,500 ની કિંમતના છ નંગ મોબાઇલ તથા ગંજીપના સહિત કુલ રૂા.66 હજારના મુદ્દામાલ સાથે ઝડપી આગળની કાર્યવાહી હાથ ધરી હતી.
બીજો દરોડો, જામનગરના નાગનાથ ગેઈટ શેરી નં.2 વિસ્તારમાં ઘોડીપાસાનો જૂગાર રમતા ફિરોજ ઉર્ફે કડો કાસમ કુરેશી, નુરમામદ ઉર્ફે મામુ ઓસમાણ બ્લોચ, અયાઝ હુશેન કુરેશી, મુકેશ રાજુ માતંગ નામના ચાર શખ્સોને રૂા.16200 ની રોકડ રકમ અને ઘોડીપાસાના બં નંગ સાથે પોલીસે ઝડપી લઇ આગળની કાર્યવાહી હાથ ધરી હતી.
ત્રીજો દરોડો, કાલાવડ તાલુકાના મુળિલા ગામમાં જાહેરમાં તીનપતિનો જૂગાર રમતા મનસુખ મગન મકવાણા, સુરેશ મગન મકવાણા, દિનેશ ઉર્ફે સંજય પોપટ મકવાણા, સુખા માવજી મકવાણા નામના ચાર શખ્સોને પોલીસે રેઈડ દરમિયાન રૂા.1730ની રોકડ રકમ એન ગંજીપના સાથે ઝડપી લઇ આગળની કાર્યવાહી હાથ ધરી હતી.
