જામનગર શહેરમાં કાલાવડ નાકા બહાર સનસીટી સોસાયટીમાં રહેણાંક મકાનમાં બહારથી માણસો બોલાવી ઘોડીપાસાની કલબ ચાલતા સ્થળે એલસીબીની ટીમે રેઈડ દરમિયાન રૂા.3.87 લાખની રોકડ અને 2.87 લાખના 23 મોબાઇલ 8 બાઈક અને ઘોડીપાસાના બે નંગ સહિત કુલ રૂા.8.74 લાખના મુદ્દામાલ સાથે 23 શખ્સોને ઝડપી લઇ કાર્યવાહી હાથ ધરી હતી.
આ અંગેની વિગત મુજબ, જામનગર શહેરમાં કાલાવડ નાકા બહાર આવેલી સનસીટી સોસાયટીમાં રહેતો અબ્દુલ ગફાર ખફી નામનો શખ્સ તેના રહેણાંક મકાનમાં બહારથી માણસો બોલાવી ઘોડીપાસાનો જૂગાર રમાડતો હોવાની એલસીબીના ફિરોજ ખફી અને શિવભદ્રસિંહ જાડેજાને મળેલી બાતમીના આધારે જિલ્લા પોલીસવડા પ્રેમસુખ ડેલુની સૂચનાથી ઈન્ચાર્જ પીઆઇ કે.કે. ગોહિલ, પીએસઆઈ આર.બી.ગોજિયા, બી.એમ. દેવમુરારી તથા સ્ટાફના સંજયસિંહ વાળા, હરપાલસિંહ સોઢા, અશ્ર્વિનભાઈ ગંધા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલવાડિયા, હિરેનભાઈ વરણવા, ભગીરથસિંહ સરવૈયા, હરદીપભાઈ ધાધલ, વનરાજભાઈ મકવાણા, ધાનાભાઈ મોરી, અશોકભાઈ સોલંકી, યશપાલસિંહ જાડેજા, હિતેન્દ્રસિંહ જાડેજા, દોલતસિંહ જાડેજા, ઘનશ્યામભાઈ ડેરવાળિયા, ફીરોજભાઈ ખફી, શીવભદ્રસિંહ જાડેજા, નિર્મળસિંહ જાડેજા, યોગરાજસિંહ રાણા, કિશોરભાઈ પરમાર, બળવંતસિંહ પરમાર, રાકેશ ચૌહાણ, લખમણભાઈ ભાટિયા, સુરેશભાઈ માલકિયા, ધમેન્દ્રસિંહ જાડેજા અને દયારામ ત્રિવેદી, ભારતીબેન ડાંગર સહિતના સ્ટાફે રેઈડ પાડી હતી.
એલસીબીની ટીમે રેઈડ દરમિયાન અબ્દુલ ગફાર ખફી, ફૈઝલ મહમદ સંધી, મોહસીન ઉર્ફે છોટુ સતાર સાટી, વસીમ હુશેન મેમણ, વસીમ યુસુફ દરજાદા, અમીન અબ્બાસ ખફી, નાજીર હાસમ ખફી, અબ્દુલરજાક જુમા વાઘેર, અલ્તાફ સતાર આંબલીયા, મોહસીન અબ્બાસ ખફી, જાવીદ મહમદહુશેન સેતા, વસીમ હાસમ ખફી, ફેજલ હશન આરબ, સાજીદ વલીમામદ પીંજારા, તાહેર સૈફુદીન વોરા, મયુર બુધા કારેઠા, સુનિલ સુરેશ મારૂ, સચિન, આશીફ અનિશ ખીરા, અસલમ સતાર ઓડીયા, આરીફ જુમા ખફી, હારુન સુલેમા આંબલીયા, બીપીન સોમા ચાવડા સહિતના 23 શખ્સોને ઝડપી લઇ તેમના કબ્જામાંથી રૂા.3,87,000 ની રોકડ રકમ અને રૂા.2,87,000 ની કિંમતના 23 મોબાઇલ તથા રૂા. 2 લાખની કિંમતની આઠ બાઈક અને ઘોડીપાસાના બે નંગ સહિત કુલ રૂા.8,74,000 નો મુદ્દામાલ કબ્જે કરી અટકાયત કરી હતી.
