જામનગર શહેરમાં રાજપાર્ક પાછળ આવેલા રાધા-કૃષ્ણ પાર્કમાં રહેતો શખ્સ તેના મકાનમાં બહારથી માણસો બોલાવી જૂગાર રમાડતો હોવાની એલસીબીને મળેલી બાતમીના આધારે પોલીસે રેઈડ દરમિયાન ચાર શખ્સોને રૂા.39,900 ની રોકડ રકમ અને ગંજીપના સાથે ઝડપી લઇ નાશી ગયેલા બે સહિત છ શખ્સો વિરુધ્ધ ગુનો નોંધી કાર્યવાહી હાથ ધરી હતી.
જૂગાર દરોડાની વિગત મુજબ, જામનગર શહેરમાં રાજપાર્ક પાછળ આવેલા રાધા-કૃષ્ણ પાર્કમાં રહેતાં અજયરાજસિંહ સુરેન્દ્રસિંહ સોલંકી તેના ઘરે બહારથી માણસો બોલાવી તીનપતિનો જૂગાર રમાડતો હોવાની એલસીબીના દિલીપ તલાવડિયા, સંજયસિંહ વાળા, હિતેન્દ્રસિંહ જાડેજાને મળેલી સંયુકત બાતમીના આધારે પોલીસવડા પ્રેમસુખ ડેલુની સૂચનાથી ઈન્ચાર્જ પીઆઇ કે.કે. ગોહિલ સૂચનાથી પીએસઆઈ આર.બી.ગોજિયા તથા સ્ટાફના સંજયસિંહ વાળા, હરપાલસિંહ સોઢા, અશ્ર્વિનભાઈ ગંધા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલવાડિયા, હિરેનભાઈ વરણવા, ભગીરથસિંહ સરવૈયા, હરદીપભાઈ ધાધલ, વનરાજભાઈ મકવાણા, ધાનાભાઈ મોરી, ખીમભાઈ ભોચિયા, અશોકભાઈ સોલંકી, યશપાલસિંહ જાડેજા, હિતેન્દ્રસિંહ જાડેજા, દોલતસિંહ જાડેજા, ઘનશ્યામભાઈ ડેરવાળિયા, ફીરોજભાઈ ખફી, શીવભદ્રસિંહ જાડેજા, નિર્મળસિંહ જાડેજા, યોગરાજસિંહ રાણા, કિશોરભાઈ પરમાર, બળવંતસિંહ પરમાર, રાકેશ ચૌહાણ, લખમણભાઈ ભાટિયા, સુરેશભાઈ માલકિયા, ધમેન્દ્રસિંહ જાડેજા અને દયારામ ત્રિવેદી, ભારતીબેન ડાંગર સહિતના સ્ટાફે રેઈડ કરી હતી.
રેઈડ દરમિયાન એલસીબીની ટીમે અજયરાજસિંહ સોલંકી, નરશીગર જેટીગર ગોસાઈ, ધર્મેન્દ્ર મોહનલાલ કુંડલિયા, નિલેશ વલ્લભ પઢીયાર નામના ચાર શખ્સોને રૂા.39,900 ની રોકડ અને ગંજીપના સાથે ઝડપી લીધા હતાં તેમજ જૂગાર દરોડા પૂર્વે બસીર ઉર્ફે બલો રહીમ મેતર, લાલસુર ઉર્ફે લાલો હીરા ઘોડા ચારણ નામના બે શખ્સો નાશી ગયા હતાં. પોલીસે છ શખ્સો વિરુધ્ધ ગુનો નોંધી આગળની કાર્યવાહી હાથ ધરી હતી.
