જામનગર-ખંભાળિયા ધોરીમાર્ગ ઉપર મોડપર ગામના પાટિયા પાસેથી એલસીબીની ટીમએ દેશી દારૂનો જથ્થો અને કાર સહિત કુલ રૂા. 8,45,000ના મુદામાલ સાથે એક શખ્સને ઝડપી લઇ મહિલા સહિતના ચાર શખ્સો વિરૂઘ્ધ ગુનો નોંધી આગળની કાર્યવાહી હાથ ધરી હતી.
આ દરોડાની વિગત મુજબ જામનગર-ખંભાળિયા ધોરીમાર્ગ પર મોડપર ગામના પાટિયા પાસથી કારમાં દેશી દારૂનો જથ્થો પસાર થવાની ઋષિરાજસિંહ વાળા, યુવરાજસિંહ ઝાલા, હિતેન્દ્રસિંહ જાડેજા, કાસમભાઇ બલોચને મળેલી સંયુક્ત બાતમીના આધારે પોલીસ અધિક્ષક ડો. રવિ મોહન સૈનીની સૂચનાથી પીઆઈ વી.એમ. લગારીયા, પીએસઆઇ સી. એમ. કાંટેલિયા, પી.એન. મોરી તથા સ્ટાફના હરપાલસિંહ સોઢા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલાવાડિયા, હિરેનભાઇ વરણવા, હિતેન્દ્રસિંહ જાડેજા, અરજણભાઈ કોડીયાતર, મયુદીનભાઈ સૈયદ, ક્રિપાલસિંહ જાડેજા, કાસમ બ્લોચ, નિર્મળસિંહ જાડેજા, બળવંતસિંહ પરમાર, મયૂરસિંહ પરમાર, યુવરાજસિંહ ઝાલા, ભયપાલસિંહ જાડેજા, અજયભાઇ વીરડા, કિશોરભાઈ પરમાર, ઋષિરાજસિંહ વાળા, ભરતભાઇ ડાંગર, ઘનશ્યામભાઇ ડેરવાડિયા, સુમિતભાઇ શિયાર, સુરેશભાઇ માલકિયા, ધર્મેન્દ્રસિંહ જાડેજા, દયારામ ત્રિવેદી, બિજલભાઈ બારાસરા, ધર્મેન્દ્રસિંહ જાડેજા, ભારતીબેન ડાંગર સહિતના સ્ટાફે વોચ ગોઠવી હતી.
આ વોચ દરમ્યાન બાતમી મુજબની જીજે06-કેપી-3707 નંબરની ક્રેટા કાર પસાર થતાં પોલીસે આંતરી લીધી હતી. તલાશી દરમ્યાન કારમાંથી રૂા. 1,40,000નો 700 લીટર દેશીદારૂનો જથ્થો તથા રૂા. 5 હજારનો મોબાઇલ મળી આવતા પોલીસે કેશુર રામા મોરી (રે. બખરલા, તા. પોરબંદર)ને રૂા. 8,45,000ના મુદામાલ સાથે ઝડપી લઇ પૂછપરછ હાથ ધરતાં આ દારૂનો જથ્થો પોરબંદરના કાટવાણાના બબુ કરશન કટારાએ સપ્લાય કર્યો હતો. લાલપુર તાલુકાના પડાણા ગામમાં ચારણનેશ વિસ્તારમાં રહેતા ડાઇબેન સોરિયા તથા રામા સોરિયા નામના બે શખ્સોએ મંગાવ્યો હોવાની કેફિયતના આધારે પોલીસે ચાર શખ્સ વિરૂઘ્ધ ગુનો નોંધી આગળની કાર્યવાહી હાથ ધરી હતી.
