જામનગર તાલુકાના વસઇ ગામના પાટિયા પાસેથી એલસીબી પોલીસે એક શખ્સને 132 નંગ દારૂની બોટલ સાથે ઝડપી લઇ દારૂની બોટલ, મોબાઇલ ફોન, મોટરસાયકલ સહિત કુલ રૂા. 2,32,604નો મુદામાલ કબ્જે કર્યો હતો.
આ દરોડાની વિગત મુજબ જામનગર તાલુકાના વસઇ ગામના પાટિયા પાસેથી બાવળની કાંટમાં એક શખ્સ દારૂના જથ્થા સાથે હોવાની એલસીબીના મયૂરસિંહ પરમાર, યુવરાજસિંહ ઝાલા, ઋષિરાજસિંહ વાળા તથા કાસમભાઇ બલોચને મળેલ બાતમીના આધારે જિલ્લા પોલીસવડા પ્રેમસુખ ડેલુની સૂચના અને એલસીબીના પીઆઇ વી. એમ. લગારિયાના માર્ગદર્શન હેઠળ પીએસઆઇ સી. એમ. કાંટેલિયા, પી.એન. મોરી તથા સ્ટાફના હરપાલસિંહ સોઢા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલાવાડિયા, હિતેન્દ્રસિંહ જાડેજા, અરજણભાઈ કોડીયાતર, મયુદીનભાઈ સૈયદ, ક્રિપાલસિંહ જાડેજા, કાસમ બ્લોચ, નિર્મળસિંહ જાડેજા, કિશોરભાઈ પરમાર, ઋષિરાજસિંહ વાળા, મયુરસિંહ પરમાર, ભરતભાઇ ડાંગર, ઘનશ્યામભાઇ ડેરવાડિયા, સુમિતભાઇ શિયાર, સુરેશભાઇ માલકિયા, ધર્મેન્દ્રસિંહ જાડેજા, દયારામ ત્રિવેદી, બિજલભાઈ બારાસરા, ધર્મેન્દ્રસિંહ જાડેજા, ભારતીબેન ડાંગર સહિતના સ્ટાફે રેઇડ કરી હતી. આ રેઇડ દરમ્યાન યશપાલસિંહ ઘનુભા જાડેજા નામના શખ્સને રૂપિયા 1,97,604ની કિંમતની 132 નંગ દારૂની બોટલ, રૂા. પાંચ હજારની કિંમતના એક નંગ મોબાઇલ ફોન તથા રૂા. 30 હજારની કિંમતના મોટરસાયકલ સહિત કુલ રૂા. 2,32,604ના મુદામાલ સાથે ઝડપી લીધો હતો. આરોપીની પૂછપરછ દરમ્યાન સપ્લાયર તરીકે હેરભા ગઢવી તથા દારૂનો જથ્થો મંગાવનાર તરીકે પાર્થ ઉર્ફે જાબલી જિતેન્દ્ર કટિયારાના નામો ખુલતા પોલીસ દ્વારા ત્રણેય શખ્સો વિરૂઘ્ધ ગુનો નોંધી બે શખ્સોની શોધખોળ હાથ ધરી હતી.
