સંત શિરોમણી પૂ. જલારામબાપાની 222મી જન્મ જયંતિની છોટીકાશીમાં ધામધૂમપૂર્વક ઉજવણી કરવામાં આવી હતી. જલારામ જયંતિ મહોત્સવ સમિતિ દ્વારા આજરોજ જલારામ જયંતિ નિમિત્તે જલારામબાપાનું પૂજન, મહા આરતી સહિતના કાર્યક્રમો તેમજ સારસ્વત બ્રાહ્મણ જ્ઞાતિનું ભોજન તેમજ લોહાણા જ્ઞાતિની વેબસાઇટનું લોન્ચીંગ જ્ઞાતિના અગ્રણીઓની ઉપસ્થિતિમાં કરવામાં આવ્યું હતું.
જામનગર શહેરમાં આજરોજ પૂ. જલારામબાપાની 222મી જન્મ જયંતિ નિમિત્તે લોહાણા મહાજન વાડી ખાતે જલારામબાપાની મહાઆરતી તેમજ પૂજનનું આયોજન કરવામાં આવ્યું હતું. આ ઉપરાંત લોહાણા મહાજન જ્ઞાતિની વેબસાઇટનું લોન્ચીંગ કરવામાં આવ્યું હતું. વહેલી સવારે ગૌ-માતાનું પૂજન તેમજ ગૌશાળામાં ઘાસ તેમજ લાડુ વિતરણ કરાયા બાદ સારસ્વત બ્રાહ્મણ જ્ઞાતિનું માસ્તાન ભોજનનું આયોજન કરવામાં આવ્યું હતું. તેમજ લોહાણા જ્ઞાતિના પ્રમુખ જીતુભાઇ લાલ સહિતના મહાનુભાવોના હસ્તે જલારામબાપાની આરતી તથા લોહાણા જ્ઞાતિની વેબસાઇટનું લોન્ચીંગ કરવામાં આવ્યું હતું. આ તકે લોહાણા જ્ઞાતિના પ્રમુખ જીતુભાઇ લાલ, અગ્રણી વિપુલભાઇ કોટક, મુકેશભાઇ દાસાણી, હસમુખભાઇ હિંડોચા, દિનેશભાઇ મારફતીયા, રાજુભાઇ મારફતીયા, દર્શનભાઇ ઠક્કર, રમેશભાઇ દત્તાણી સહિતના આગેવાનો ઉપસ્થિત રહ્યાં હતાં.
આ કાર્યક્રમને સફળ બનાવવા તેમજ સારસ્વત બ્રાહ્મણ ભોજનની તૈયારીઓ જામનગરના જલારામ જયંતિ મહોત્સવ સમિતિના સદસ્યો જીતુભાઇ લાલ, રમેશભાઇ દત્તાણી, મનોજભાઇ અમલાણી, ભરતભાઇ કાનાબાર, અતુલભાઇ પોપટ, રાજુભાઇ કોટેચા, રાજુભાઇ મારફતીયા, અનિલભાઇ ગોકાણી, ભરતભાઇ મોદી, રાજુભાઇ હિંડોચા, નિલેશભાઇ ઠકરાર, મધુભાઇ પાબારી તથા મનિષભાઇ તન્ના સહિતના સભ્યોએ જહેમત ઉઠાવી હતી.
