ખંભાળિયાની યુવતી સાથે જામનગરના શખ્સ દ્વારા છેતરપિંડી

ખંભાળિયાના ગુંદીચોક વિસ્તારમાં રહેતા રાખીબેન કિર્તીભાઈ નામની 34 વર્ષની યુવતીએ જામનગરના ગોકુલ નગર વિસ્તારમાં રહેતા તેજસ નવલભાઈ મોખરા નામના શખ્સને તેના દીકરાના ઓપરેશન માટે રૂ. 3 લાખ રોકડા તથા રૂપિયા એક લાખની કિંમતના ત્રણ તોલાના ચેનને બે મહિનામાં પરત આપવાના વિશ્વાસે આપ્યા હતા. જે આરોપી તેજસ મોખરાએ પરત ન આપતા રાખીબેન જટણીયા દ્વારા તેણીની સાથે રૂપિયા 4 લાખના વિશ્વાસઘાત અને છેતરપિંડી થવા સબબ ખંભાળિયા પોલીસ મથકના ધોરણસર ફરિયાદ નોંધ કરવામાં આવી છે. જે અંગે પોલીસે આઈ.પી.સી. કલમ 406 તથા 420 મુજબ ગુનો નોંધી, આ પ્રકરણમાં આગળની કાર્યવાહી હાથ ધરી છે.