જામનગર તાલુકાના જામવંથલી ગામમાં વાડી વિસ્તારમાં રહેતાં વૃદ્ધાના બંધ મકાનમાં ચાવી વડે દરવાજાનું તાળુ ખોલી લાકડાની પેટી ખોલી તેમાંથી રૂા.2,80,000 ની કિંમતના સોના-ચાંદીના દાગીનાની ચોરી કરી ગયાના બનાવમાં પોલીસે તપાસ આરંંભી હતી.
- Advertisement -
બનાવની વિગત મુજબ જામનગર તાલુકાના જામવંથલી ગામના વાડી વિસ્તારમાં રહેતાં અને ખેતીકામ કરતા જશુબેન છગનભાઈ પરમાર નામના વૃદ્ધાના બંધ મકાન રવિવારે સવારના 11:30 થી 12:30 સુધીના એક કલાક બંધ રહેલા મકાનના દરવાજાના તાળાની ચાવી તસ્કરોએ બારી પાસેથી લઇ દરવાજો ખોલી મકાનમાં પ્રવેશ કરી રૂમમાં રાખેલી લાકડાની પેટી તોડી તેમાંથી રૂા.2,80,000 ની કિંમતના સોના-ચાંદીના દાગીનાની મતા ચોરી કરી ગયા હતાં. આ અંગેની જાણ કરતા પીએસઆઈ જે.પી. સોઢા તથા સ્ટાફ ઘટનાસ્થળે દોડી ગયો હતો અને કોઇ જાણભેદુ હોવાની આશંકાએ તે દિશામાં તપાસના ચક્રો ગતિમાન કર્યા હતાં.
- Advertisement -
