જામનગર ભાજપ દ્વારા કેબિનેટ મંત્રીની ‘જન આશીર્વાદ યાત્રા’નું આયોજન

ભારતીય જનતા પાર્ટી જામનગર મહાનગર દ્વારા આગામી શુક્રવાર તા. 8.10.2021ના દિવસે કેબિનેટ મંત્રી કિરીટસિંહજી રાણાની ’જન આશીર્વાદ યાત્રા’નું આયોજન કરવામાં આવ્યું છે. જેમાં જામનગર જિલ્લાના સાંસદ પૂનમબેન માડમ, પૂર્વ કેબિનેટ મંત્રી આર.સી.ફળદુ, પૂર્વ રાજ્યમંત્રી ધર્મેન્દ્રસિંહ જાડેજા (હકુભા) સહિતના અગ્રણીઓ જોડાશે.

જામનગર મહાનગર ભાજપના અધ્યક્ષ ડો. વિમલભાઈ કગથરા, મહામંત્રી પ્રકાશભાઈ બાંભણિયા, વિજયસિંહ જેઠવા મેરામણભાઈ ભાટુ તથા સમગ્ર સંગઠન ઉપરાંત મેયર બીનાબેન કોઠારી, સ્ટેન્ડિંગ ચેરમેન મનીષભાઈ કટારીયા, ડેપ્યુટી મેયર તપનભાઇ પરમાર સહિતના પદાધિકારીઓ વગેરે દ્વારા સ્વાગત કર્યા પછી ’જન આશીર્વાદ યાત્રા’ નગર ભ્રમણ કરશે, જે સમગ્ર જન આશીર્વાદ યાત્રાના રૂટ પર જામનગર મહાનગર ભાજપના અન્ય હોદેદારો-કાર્યકરો તેમજ શહેરની વિવિધ જ્ઞાતિ અને સેવાકીય સંસ્થાઓ, અગ્રણી વેપારીઓ વગેરે દ્વારા ઠેર ઠેર ઉમળકાભેર સ્વાગત કરવામાં આવશે. ઉપરાંત જનસમર્થન યાત્રાના રુટ પર આવેલા તમામ ધાર્મિક સ્થળોએ દર્શન કરવામાં આવશે. ઉપરાંત મહાનુભાવોની પ્રતિમાઓને પુષ્પાંજલિ પણ અર્પણ કરવામાં આવશે. જેની ભારતીય જનતા પાર્ટી જામનગર મહાનગર દ્વારા સંપૂર્ણ તૈયારીઓ કરી લેવામાં આવી છે.

ભારતીય જનતા પાર્ટી જામનગર મહાનગર દ્વારા આયોજીત કેબીનેટમંત્રી કિરીટસિંહજી રાણાની જનઆશિર્વાદ યાત્રાનો પ્રારંભ શુક્રવાર તા. 8ના સવારે 9:30 વાગ્યે ખંભાળીયા બાયપાસ પાસે આવેલા સ્વામીનારાયણ મંદિરથી થશે ત્યારપછી સવારે 10 વાગ્યે વોર્ડ નં. 11માં ગુલાબનગર પેટ્રોલ પંપ પાસે યાત્રાનું સ્વાગત કરવામાં આવશે. ત્યાર પછી 10:30 વાગ્યે ચેમ્બર ઓફ કોમર્સ હોલ પાસે સ્વાગત થશે જયાંથી 10:45 વાગ્યે 78 વિધાનસભા વિસ્તારના વોર્ડ નં. 10 અને 12માં સ્વાગત કરવામાં આવશે.

જનઆશિર્વાદ યાત્રા સવારે 11 વાગ્યે સુભાષબ્રિજ પર આવેલી સુભાષચંદ્ર બોઝની પ્રતિમા પાસે પહોંચશે જયાં પ્રતિમાને પુષ્પાંજલી અર્પવામાં આવશે અને ત્યાંથી 11:15 વાગ્યે ત્રણ દરવાજા પાસે ટ્રાન્સપોર્ટ એસો. દ્વારા સ્વાગત કરવામાં આવશે. ઉપરાંત 11:25 વાગ્યે ગ્રેઇનમાર્કેટ નજીક ધી સીડસ એન્ડ ગ્રેઇન મર્ચન્ટ એસો. દ્વારા સ્વાગત કરવામાં આવશે.

આ જનઆશિર્વાદ યાત્રા સવારે 11:40 વાગ્યે વોર્ડ નં. 10માં દિપક સિનેમાં પાસે પહોંચશે જયાં સ્વાગત કરાશે ત્યારપછી 11:50 વાગ્યે ચાંદી બજાર વિસ્તારમાં ચેતન પેપર માર્ટ નજીક પહોંચ્યા પછી રાષ્ટ્રપિતા મહાત્મા ગાંધીજીની પ્રતિમાને સુતરની આંટી પહેરાવાશે. ઉપરાંત વોર્ડ નં. 9માં ચાંદીબજાર સ્થિત દેરાસરમાં દર્શન કરવામાં આવશે. જયારે ચાંદીબજાર વિસ્તારના વિવિધ એસો. દ્વારા સ્વાગત કરવામાં આવશે. જયાંથી 12:30 વાગ્યે માંડવી ટાવર નજીક વ્હોરા સમાજ દ્વારા સ્વાગત કરવામાં આવશે. જયાંથી આગળ વધીને 12:45 વાગ્યે હવાઇચોક વિસ્તારમાં પહોંચીને વિર શહિદ ભગતસિંહની પ્રતિમાને પુષ્પાંજલી અર્પણ કરવામાં આવશે અને હવાઇચોક વિસ્તારમા સ્વાગત કરવામાં આવશે.

ઉપરોકત જનસમર્થન યાત્રા બપોરે 1 વાગ્યે ખીજડા મંદિરે પહોંચશે અને મંદિરમાં દર્શન કરશે જયારે વોર્ડ નં. 16ના પવનચકકી વિસ્તારમાં સિંધી સમાજ દ્વારા સ્વાગત કરવામાં આવશે, જયાંથી આગળ વધીને બપોરે 1:30 વાગ્યે વોર્ડ નં. 15માં ઓશવાળ હોસ્પીટલ પાસે મહાજન સમાજના આગેવાનો દ્વારા સ્વાગત કરવામાં આવશે.
કેબીનેટ મંત્રી કિરીતસિંહ રાણાની જનઆશિર્વાદ યાત્રાને બે કલાકનો વિરામ અપાયા પછી બપોરે 3:30 વાગ્યે રણજીતનગર વિસ્તારમાં આવેલી લોખંડી પુરૂષ સરદાર પટેલની પ્રતિમાને પુષ્પાંજલી અર્પણ કર્યા પછી વોર્ડ નં. 8માં પટેલ સમાજ દ્વારા સ્વાગત કરવામાં આવશે. જયાંથી બપોરે 4 વાગ્યે આગળ વધીને પ્રણામી સ્કૂલ પાસે પહોંચશે ત્યાં સ્વાગત કરાશે તેમજ 4:15 વાગ્યે રોઝી પેટ્રોલ પંપ પાસે ફેકટરી ઓનર્સ એસો.ના હોદ્ેદારો તેમજ જી.આઇ.ડી.સી.પ્લોટ હોલ્ડર એસો. દ્વારા સ્વાગત કરવામાં આવશે જયાંથી 4:30 વાગ્યે સત્યમ કોલોની પાસે પહોંચશે અને આહિર સમાજ દ્વારા સ્વાગત કરવામાં આવશે.

ત્યારપછી 4:45 વાગ્યે વોર્ડ નં. 7માં એમ્યુઝમેન્ટ પાર્ક પાસે સ્વાગત થશે 5 વાગ્યે ઓમ ટ્રેનિંગ સેન્ટર દ્વારા સ્વાગત કરાશે. ઉપરાંત વોર્ડ નં. 6માં માલધારી હોટલ નજીક મહેર સમાજની વાડી પાસે સ્વાગત કરાશે, જયાંથી 5:20 વાગ્યે રીલાયન્સ પેટ્રોલ પંપ પાસે પહોંચતા ગુજરાત રાજય યુવક બોર્ડના સભ્યો દ્વારા સ્વાગત કરવામાં આવશે. ત્યારપછી શરૂસેકશન રોડ પર શિવમ પેટ્રોલ પંપ નજીક 5:25 વાગ્યે જી.એમ.બી. યુનિયન દ્વારા સ્વાગત કરાશે.

જયાંથી આગળ વધીને વોર્ડ નં. 5માં વી-માર્ટ પાસે તેમજ પંચવટી વિસ્તારમાં જય માતાજી ગ્રુપ દ્વારા સ્વાગત કરવામાં આવશે. જયાંથી જનઆશિર્વાદ યાત્રા આગળ વધીને ડી.કે.વી. સર્કલ પાસે 6 વાગ્યે પહોંચશે અને સ્વામી વિવેકાનંદજીની પ્રતિમાને પુષ્પાંજલી કરવામાં આવશે જયાં વોર્ડ નં. 3ના કાર્યકરો દ્વારા સ્વાગત કરાશે અને ત્યાંથી આગળ વધી 6:20 વાગ્યે અંબર ચોકડી ચર્ચ પાસે સ્વાગત કરાયા પછી 6:30વાગ્યે આણદાબાવા સેવા સંસ્થામાં દર્શન કરવામાં આવશે. જયાંથી 7 વાગ્યે લાલબંગલા સર્કલમાં પહોંચી ડો. બાબાસાહેબ આંબેડકર અને રાજેન્દ્રસિંહની પ્રતિમાને પુષ્પાંજલી અર્પવામાં આવશે. જયાંથી આગળ વધી 7:15 વાગ્યે જામનગર જિલ્લા રાજપૂત સમાજની વિવિધ સાત જેટલી સંસ્થાઓ દ્વારા સ્વાગત કરવામાં આવશે અને જન સમર્થન યાત્રા સભાના રૂપમાં ફેરવાઇ જશે.

ભારતીય જનતાપાર્ટી જામનગર મહાનગર દ્વારા આયોજીત કેબીનેટ મંત્રી કિરીટસિંહ રાણાની જનઆશિર્વાદ યાત્રાની શહેર ભાજપ સંગઠન દ્વારા તડામાર તૈયારીઓ હાથ ધરાવમાં આવી છે અને જામનગર શહેર ભાજપના અધ્યક્ષ ડો. વિમલ કગથરાની આગેવાની હેઠળ સમગ્ર જનયાત્રાના ઇન્ચાર્જ મહામંત્રી વિજયસિંહ જેઠવા, સહઇન્ચાર્જ તરીકે ઉપપ્રમુખ રાજુભાઇ યાદવ તેમજ શહેર મંત્રી દિલીપસિંહ કંચવા તેમજ શહેર ભાજપ સંગઠનના અન્ય હોદેદારો શહેર ભાજપના અગ્રણીઓ, જુદા જુદા વોર્ડના કોર્પોરેટરો તેમજ વિવિધ સેલ તથા મોરચાના હોદ્દારો અને કાર્યકરો જહેમત લઇ રહ્યા છે.