આવતીકાલે ઓખાના દરિયામાં સઘન ફાયરીંગ કરાશે

દેવભૂમિ દ્વારકા જિલ્લાના ઓખાના દરિયામાં બુધવારે નેવલ કોસ્ટ બેટરી – ઇન્ડિયન નેવીના સંયુકત ઉપક્રમે સઘન ફાયરીંગ પ્રેક્ટિસ થવાની હોય જેથી ઓખા મત્સ્યોદ્યોગના અધિક્ષક દ્વારા માછીમારોને દરિયા થી દૂર રહેવાની સૂચના આપવામાં આવી હતી.

આ અંગેની વિગત મુજબ, દેવભૂમિ દ્વારકા જિલ્લાના ઓખા સ્થિત દરિયામાં આવતીકાલે બુધવારે સવારે 11 થી 1 સુધીના સમય દરમિયાન નેવલ કોસ્ટ બેટરી – ઇન્ડિયન નેવીના સંયુકત ઉપક્રમે ઓખાના સમુદ્રતટથી 12 નોટીકલ માઈલ (22028.75’N,069004.05’ E) દૂર 42,000 ફૂટની ઉંચાઈ સુધીના વિસ્તારમાં ગોલાબારી અને ફાયરીંગ સઘન પ્રેક્ટિસ કરવામાં આવનાર હોય જેથી આ વિસ્તારને ભયજનક-ખતરનાક જાહેર કરવામાં આવ્યો છે અને દરિયામાં માછીમારી કરતાં માછીમારોને નુકસાન ન થાય તે સંદર્ભે ઓખાના મત્સ્યોદ્યોગ અધિક્ષક દ્વારા તમામ પગડીયા માછીમારો તથા સઢ વાળી હોડી વાળા માછીમાર ભાઈઓ એ પોતાની હોડી અને પોતાના જાન માલનું નુકશાન ના થાય એ હેતુ થી તમામ માછીમારોએ ઓખાના દરિયામાં આવેલા ફાયરીંગ વિસ્તાર નજીક નહીં જવાની સૂચના આપવામાં આવી હતી.