મુંગણીમાં ઘરના ફળિયામાં પાર્ક કરેલું બાઈક સળગાવ્યું

જામનગર તાલુકાના મુંગણી ગામમાં રહેતાં યુવાનનું તેના ઘરના ફળિયામાં પાર્ક કરેલું રૂા.35000 ની કિંમતનું બાઈક અજાણ્યા શખ્સો સળગાવીને નુકસાન કરી ગયાના બનાવમાં ફરિયાદ નોંધાવી છે.

આ અંગેની વિગત મુજબ, જામનગર તાલુકાના મુંગણી ગામમાં પાણીના ટાંકા પાસે રહેતાં સાગર મનસુખભાઈ પરમાર નામના યુવાનનું તેના ઘરના ફળિયામાં પાર્ક કરેલું રૂા.35000 ની કિંમતનું જીજે-10-સીએ-7958 નંબરનું બાઈક સોમવારની રાત્રિ દરમિયાન અજાણ્યા શખ્સો સળગાવી ગયા હતાં. આ અંગે સાગર દ્વારા મુંગણીમાં રહેતાં યુવરાજસિંહ દેદા નામના શકદાર અને તેના સાગરિતો દ્વારા બાઇક સળગાવ્યું હોવાની ફરિયાદ નોંધાવી હતી. જેના આધારે પીએસઆઈ જે.ડી. પરમાર તથા સ્ટાફે તપાસ હાથ ધરી હતી.