ખંભાલીડા ગામે યુવાને ઝેરી દવા પી જતા સારવાર દરમ્યાન મોત

આ બનાવની વિગત મુજબ જામનગર જિલ્લાના ખંભાલીડા ગામે રહેતા અને મજુરીકામ કરતાં રણજીતભાઈ મેથુભાઈ ગણાવા (ઉ.વ.25) નામના યુવાને પોતાની ભાગમાં રાખેલ વાડી ખેતરમાં કપાસના પાકમાં રહેલ ઘાસમાં દવા છાંટતા કોઈ પણ અગમ્ય કારણોસર ઝેરી જંતુનાશક દવા પી જતાં જી.જી. હોસ્પિટલમાં ખસેડવામાં આવ્યો હતો. ત્યારબાદ વધુ સારવાર માટે જાયડેક્ષ હોસ્પીટલમાં ખસેડવામાં આવતા સારવાર દરમ્યાન યુવાનનું મોત નિપજયાનું તબિબોએ જણાવ્યું હતું. આ અંગે મૃતકના પત્ની વર્ષાબેન રણજીતભાઈ ગણાવા દ્વારા પોલીસને જાણ કરતાં પંચ એ ડીવીઝનના હેકો. સી.જે.જાડેજા તથા સ્ટાફે આગળની કાર્યવાહી હાથધરી હતી.