દરેડ જીઆઈડીસી માં નેપાળી મહિલાએ ગળાફાંસો ખાઈ આપઘાત કર્યો

મૂળ નેપાળના અને હાલ દરેડ જીઆઈડીસીમાં ચોકીદારની નોકરી કરતા યુવકની પત્ની છેલ્લા 20 દિવસથી નેપાળથી જામનગર આવી હતી. પરંતુ તેણીને અહીં ગમતું ન હોવાથી જીઆઈડીસી ફેસ-2માં આવેલ પોતાની ઓરડીમાં ગળાફાંસો ખાઈ આપઘાત કરી લીધો હોવાનું સામે આવ્યું છે.

જામનગરમાં આવેલ દરેડ જીઆઈડીસી ફેસ-2માં ચોકીદારની નોકરી કરતાં બાલકૃષ્ણ ઉર્ફે સુનીલ ડમરબહાદુર સુનાર નામના યુવકની પત્ની લક્ષ્મીબેન બાલકૃષ્ણ સુનાર છેલ્લા વીસેક દિવસથી નેપાળથી દરેડ આવેલ હોય અને તેણીને અહીં ગમતું ન હોવાથી ગુમશુમ રહેતી હોય જે બાબતનું મનમાં લાગી આવતા તેણીએ પોતાની ઓરડીમાં લોખંડના પાઈપમાં દુપટ્ટો બાંધી ગળાફાંસો ખાઈ આપઘાત કરી લીધો હતો. આ બનાવ અંગે તેના પતિએ પંચકોશી બી ડીવીઝન પોલીસ દફતરમાં જાણ કરતા પીએસઆઈ સી.એમ.કાંટેલીયા સહિતનાઓએ વધુ તપાસ હાથ ધરી છે.