શંકરટેકરીમાંથી વર્લીબાજ ઝડપાયો

જામનગર શહેરના શંકરટેકરી વિસ્તારમાંથી સીટી સી પોલીસે એક શખ્સને વર્લીમટકાનો જૂગાર રમતા ઝડપી લઇ રૂા.3,910 ની રોકડ રકમ સહિતનો મુદ્દામાલ કબ્જે કર્યો હતો.

આ અંગેની વિગત મુજબ, જામનગરના શંકરટેકરી નવી નિશાળ પાસે ખોડિયાર માતાજીના મંદિર પાસે જાહેરમાં વર્લીમટકાનો જૂગાર રમાતો હોવાની બાતમીના આધારે સિટી સી પોલીસે રેઈડ દરમિયાન કારુશા નુરશા શાહમદાર નામના શખ્સને વર્લીમટકાનો જૂગાર રમતા ઝડપી લઇ રૂા.3910 ની રોકડ રકમ તથા વર્લીમટકાનું સાહિત્ય સહિતનો મુદ્દામાલ કબ્જે કર્યો હતો.