જામનગર શહેરમાં સેતાવાડ સામે જી. ડી. શાહ સ્કુલ પાસેથી એલસીબી પોલીસે એક શખ્સને ક્રિકેટ મેચ ઉપર જૂગાર રમતા ઝડપી લઇ મોબાઇલ ફોન, મોટરસાઈકલ સહિત કુલ રૂા.37250 નો મુદ્દામાલ કબ્જે કર્યો હતો અને કપાત લેનાર શખ્સની શોધખોળ હાથ ધરી હતી.
જૂગાર દરોડાની વિગત મુજબ, જામનગર શહેરના સેતાવાડ સામે આવેલ જી. ડી. શાહ સ્કૂલ પાસે એક શખ્સ હાલમાં ન્યુઝીલેન્ડમાં ચાલી રહેલી ન્યુઝીલેન્ડ અને પાકિસ્તાન વચ્ચેની 20-20 ક્રિકેટ મેચ ઉપર મોબાઇલ ફોનમાં વાતચીત કરી હારજીત કરી જૂગાર રમતો હોવાની બાતમીના આધારે જામનગર એલસીબી એ જીજે-10-બી.એચ.-0410 નંબરના મોટરસાઈકલ પર બેસી જૂગાર રમતા ચંદ્રેશ ઉર્ફે પીસી અનિલ ઉદાણી નામના શખ્સને ઝડપી લઇ રૂા.6750 ની રોકડ રકમ, રૂા.30000 ની કિંમતનું મોટરસાઈકલ સહિત કુલ રૂા.37,250 નો મુદ્દામાલ કબ્જે કરી જૂગારધારા હેઠળ ગુનો નોંધી વધુ કાર્યવાહી હાથ ધરી હતી. તેમજ કપાત લેનાર ખોજાભાઈની તપાસ હાથ ધરી હતી.
