ફ્રાન્સના રાષ્ટ્રપતિ ઈમૈનુઈલ મૈક્રોન દક્ષીણ પૂર્વ ફ્રાંસની યાત્રામાં હતા તે દરમિયાન એક શખ્સે તેને જાહેરમાં થપ્પડ મારી દીધી હોવાનો વિડીઓ વાયરલ થયો છે. આ બનાવમાં પોલીસે બે શખ્સોની અટકાયત કરી પૂછતાછ શરુ કરી છે.
હાલમાં જ ફ્રેન્ચ સૈન્યને સેવા આપતા એક જુથે રાષ્ટ્રપતિ ઈમૈનુઈલ મૈક્રોનને ઇસ્લામને લઇને સુચના આપી હતી. આ જૂથનું કહેવું છે કે ઇસ્લામ ધર્મને છુટ આપવાથી ફ્રાન્સનું અસ્તિત્વ જોખમમાં મુકાયું છે. આ પ્રકારનો પત્ર પણ ફ્રાન્સના સામાયિકમાં પ્રકાશિત થયો હતો. જેમાં ગૃહયુદ્ધની ચેતવણી આપવામાં આવી હતી. બાદમાં ફ્રાંસના ગૃહમંત્રી અને રાષ્ટ્રપતીના સહાયકે આ પત્રને કેટલાક લોકોનું ષડ્યંત્ર જણાવ્યું હતું.
ફ્રાન્સમાં સેનેટ દ્વારા નવા ઠરાવના સમર્થનમાં મતદાન કરાયા બાદ એપ્રિલમાં સોશિયલ મીડિયા પર મુસ્લિમ સમુદાયનો આક્રોશ હતો. આ ઠરાવમાં જાહેર સ્થળોએ 18 વર્ષથી નીચેની છોકરીઓનાં બુરખો પહેરવા પર પ્રતિબંધ મૂકવાની જોગવાઈ છે.
