જામનગર તાલુકાના મતવા ગામમાં દરગાહ નજીક બાવળની ઝાડીમાં તીનપત્તીનો જુગાર રમતા ચાર શખ્સોને રૂા. 52,740ની રોકડની રોકડ અને ગંજીપત્તા સાથે પોલીસે ઝડપી લીધા હતા. જામનગર તાલુકાના કનસુમરામાં તીનપત્તીનો જુગાર રમતા ત્રણ શખ્સોને પોલીસે રૂા. 2050ની રોકડ અને ગંજીપના સાથે ઝડપી લીધા હતા.
જુગાર દરોડાની વિગત મુજબ પ્રથમ દરોડો જામનગર તાલુકાના મતવા ગામમાં દરગાહ નજીક આવેલી બાવળની કાટમાં તીનપત્તીનો જુગાર રમતા હોવાની બાતમીના આધારે પંચકોષી ‘એ’ ડિવિઝન પોલીસ સ્ટાફે રેઇડ દરમ્યાન રમેશ ગોવિંદ વૈષ્ણવ, પરબત મોમા સરસિયા, જશા ભાયા ઘાઉતર અને રામા પાલા ધગિયા નામના ચાર શખ્સોને રૂા. 52,740ની રોકડ રકમ અને ગંજીપત્તા સાથે ઝડપી લઇ ગુનો નોંધી આગળની કાર્યવાહી હાથ ધરી હતી. બીજો દરોડો જામનગર તાલુકાના કનસુમરા ગામમાં દરગાહ પાછળ જાહેરમાં જુગાર રમતા અફઝલ ઇબ્રાહિમ ખીરા, હુસેન ઇસ્માઇલ ખીરા અને અબ્બાસ આમદ ખીરા નામના ત્રણ શખ્સોને પંચકોષી ‘બી’ ડિવિઝન પોલીસ સ્ટાફે રેઇડ દરમ્યાન રૂા. 2050ની રોકડ રકમ અને ગંજીપન્ના સાથે ઝડપી લઇ નાશી ગયેલા મુરતુઝા ઉર્ફે અફલો કાસમ ખીરા નામના ચાર શખ્સો વિરૂઘ્ધ ગુનો નોંધી વધુ તપાસ હાથ ધરી હતી.
