જામનગર શહેરના રણજીતસાગર રોડ પર પીંજારા વાસ વિસ્તારમાં ઘોડીપાસાનો જૂગાર રમતા ચાર શખ્સોને રૂા.10800 ની રોકડ રકમ અને ઘોડીપાસાના બે નંગ સાથે ઝડપી લઇ આગળની કાર્યવાહી હાથ ધરી હતી. જામનગરના ગોકુલનગરમાં તીનપતિનો જૂગાર રમતા ચાર મહિલા સહિત સાત શખ્સોને પોલીસે રેઈડ દરમિયાન રૂા.5900 ની રોકડ સાથે ઝડપી લીધા હતાં.
જૂગાર દરોડાની વિગત મુજબ, જામનગર શહેરમાં રણજીતસાગર રોડ પર આવેલા પીંજારાવાસમાં જાહેરમાં ઘોડીપાસાનો જૂગાર રમતા હોવાની બાતમીના આધારે સિટી એ ડીવીઝન પોલીસ સ્ટાફે રેઇડ દરમિયાન હિતેશ ઉર્ફે હિતલો પ્રભુ ઝાખરીયા, નરેશ ઉર્ફે નરિયો અરજણ સાદીયા, જયસુખ ઉર્ફે મારાજ કાંતિલાલ પંડયા, હનિફ ગફાર પીપરવાળિયા નામના ચાર શખ્સોને રૂા.10800 ની રોકડ રકમ અને ઘોડીપાસાના બે નંગ સાથે ઝડપી લઇ આગળની કાર્યવાહી હાથ ધરી હતી.
બીજો દરોડો, જામનગર શહેરના ગોકુલનગર વિસ્તારમાં જાહેરમાં તીનપતિનો જૂગાર રમી પૈસાની હારજીત કરતા પ્રવિણ પુંજા કંટારિયા, ધર્મેશ મોહન ચાગેચા, સુરેશ મનસુખ પરમાર અને ચાર મહિલા સહિત સાત શખ્સોને રૂા.5900 ની રોકડ સાથે ઝડપી લઇ આગળની કાર્યવાહી હાથ ધરી હતી.
