જામનગર જિલ્લામાં બે સ્થળે જૂગારદરોડામાં આઠ શખ્સ ઝડપાયા

જામનગર શહેરના એલઆઈજી આવાસ પાસેના વિસ્તારમાં જાહેરમાં તીનપતિનો જૂગાર રમતા ચાર શખ્સોને પોલીસે રૂા.36800 ની રોકડ રકમ અને ગંજીપના સાથે ઝડપી લીધા હતાં. જામનગર તાલુકાના સાપર ગામમાં તીનપતિનો જૂગાર રમતા ચાર શખ્સોને પોલીસે દરોડા દરમિયાન રૂા.7860 ના મુદ્દામાલ સાથે ઝડપી લઇ આગળની કાર્યવાહી હાથ ધરી હતી.

જૂગાર દરોડાની વિગત મુજબ, પ્રથમ દરોડો, જામનગર શહેરના એરફોર્સ 2 પાસે એલઆઈજી આવાસ નજીક જાહેરમાં તીનપતિનો જૂગાર રમતા મનોજસિંહ દિલીપસિંહ પીંગળ, નરેશ હીરા બગડા, વિપુલસિંહ ચંદુભા પીંગળ, મહેશ લાલજી ચૌહાણ નામના ચાર શખ્સોને સ્થાનિક પોલીસે રેઈડ દરમિયાન રૂા.36800 ની રોકડ રકમ અને ગંજીપના સાથે ઝડપી લઇ આગળની કાર્યવાહી હાથ ધરી હતી. બીજો દરોડો, જામનગર તાલુકાના સાપર ગામમાં શંકરટેકરી વિસ્તારમાંથી તીનપતિનો જૂગાર રમતા જીતેશ ગાંડાલાલ બોડા, નિકુંજ ઉમેશગર ગોસ્વામી, ગૌતમ પેથા ભાંભી, ભરતસિંહ ઘનશ્યામસિંહ ગોહિલ નામના ચાર શખ્સોને પોલીસે રૂા.5360 ની રોકડ રકમ અને રૂા.2500 ની કિંમતના ત્રણ નંગ મોબાઇલ સહિત કુલ રૂા.7860 ના મુદ્દામાલ સાથે ઝડપી લીધા હતાં.