ઇન્ટરનેટ વગર પણ કરી શકાશે ડિજિટલ પેમેન્ટ

રિઝર્વ બેંકના ગવર્નર શક્તિકાંત દાસે નાણાકીય નીતિની જાહેરાત કરતી વખતે જણાવ્યું હતું કે, હવે ટૂંક સમયમાં જ દેશમાં ઈન્ટરનેટ વગર ડિજિટલ પેમેન્ટ થઈ શકશે. આનો હેતુ ઇન્ટરનેટ નેટવર્કથી દૂર અથવા દૂરના વિસ્તારોમાં લોકોને ડિજિટલ પેમેન્ટ કરવાની સુવિધા પૂરી પાડવાનો છે. ઉપરાંત, આ અર્થતંત્રને કેશલેસ બનાવવામાં મદદ કરશે.શક્તિકાંત દાસે કહ્યું કે આ માટે પાયલોટ પ્રોજેક્ટ ચલાવવામાં આવ્યો હતો. હવે રિઝર્વ બેંક ઓફલાઇન મોડમાં રિટેલ ડિજિટલ પેમેન્ટ માટે એક માળખું બનાવવાની છે. એટલું જ નહીં, રિઝર્વ બેંકે ઈંખઙજ મારફતે ઓનલાઈન પેમેન્ટની લિમિટમાં પણ વધારો કર્યો છે. અગાઉ ઈંખઙજ મારફતે માત્ર 2 લાખ રૂપિયા સુધીની ચૂકવણી કરી શકાતી હતી, પરંતુ હવે આનાથી 5 લાખ રૂપિયા સુધીની ચૂકવણી કરી શકાશે.