ખંભાળિયાની સેવાકુંજ હવેલીમાં આવતીકાલે ધર્મોત્સવ

ખંભાળિયામાં બરછા સ્ટ્રીટ ખાતે આવેલી સેવાકુંજ હવેલી ખાતે આવતીકાલે રવિવારે વિવિધ ધાર્મિક કાર્યક્રમનું સુંદર આયોજન કરવામાં આવ્યું છે.

આવતીકાલે તારીખ 5 ના રોજ નગર ગેઈટ વિસ્તારમાં આવેલી સેવાકુંજ હવેલીમાં સાંજે પાંચ વાગ્યાથી આંબા મનોરથના દર્શન યોજવામાં આવશે. આ સાથે હવેલીના પૂજનીય ગોસ્વામી શ્રી માધવી વહુજીના જન્મદિવસ નિમિત્તે બપોરે વૈષ્ણવો-આમંત્રિતો માટે પ્રસાદ તથા સાંજે 4 થી 7 દરમિયાન યમુનાષ્ટકના પાઠનું પણ આયોજન કરવામાં આવ્યું છે.આ અલૌકિક ઉત્સવ-દર્શનનો લાભ લેવા સેવાકુંજ હવેલીના વહુજી દ્વારા વૈષ્ણવ ભાઈઓ-બહેનોને અપીલ કરવામાં આવી છે.આ સાથે સેવાકુંજ હવેલી ખાતે ગઈકાલે યોજવામાં આવેલા નવના દર્શનનો લાભ મોટી સંખ્યામાં વૈષ્ણવોએ લીધો હતો.