ઉંડ-2 ડેમના પાણીના વ્હેણમાં તણાઈ જતાં તરૂણનું મૃત્યુ

જોડિયા તાલુકાના ભાદરા ગામમાં તરૂણ ઉંડ ડેમ પાસે ઉભો હોય પગ સ્લીપ થઈ જતાં પાણીના વ્હેણમાં તણાઈ જતાં ડૂબી જવાથી મૃત્યુ થયું હતું. પોલીસ દ્વારા આ અંગે વધુ તપાસ હાથ ધરવામાં આવી હતી.

આ અંગે વિગત મુજબ,મૂળ મધ્યપ્રદેશના કલુવાટ પીપરી ફળિયાના અને હાલમાં જામનગર જિલ્લાના જોડિયા તાલુકામાં ભાદરા ગામ વિનુભાઈ ભાણજીભાઇ ભંડેરીની વાડીમાં રહેતાં કરણ જગદીશભાઈ માવી (ઉ.વ.12) ઉંડ-2 ડેમની બહાર મચ્છી મારવા જતાં સ્લીપ થઈ જતાં ડેમના પાટીયા પાણી છોડવા માટે ખુલ્લા હોય જે પાણીના વહેણમાં તરૂણ તણાઈ જતાં ડૂબી જવાથી મૃત્યુ નિપજ્યું હતું. આ અંગે સસ્તીબેન દ્વારા જાણ કરાતા હેકો એન.વી. જાડેજા સહિતના સ્ટાફ દ્વારા મૃતદેહને પીએમ માટે મોકલી કાર્યવાહી હાથ ધરી હતી.