ધ્રોલના વાંકિયા ગામમાં રહેતાં યુવાનના ઘરમાં રહેલ 16 ગુુણી જીરુ તસ્કરો ચોરી કરી લઇ ગયાની ધ્રોલ પોલીસ સ્ટેશનમાં ફરિયાદ નોંધાઈ છે.
- Advertisement -
ચોરીના બનાવની વિગત મુજબ, જામનગર જિલ્લાના ધ્રોલ તાલુકાના વાંકિયા ગામમાં રહેતાં ધર્મેશભાઈ હરજીવનભાઈ ભીમાણીના રહેણાંક મકાને તા.23ના રાત્રિના 10 વાગ્યાથી તા.24 ના સવારે 6 વાગ્યા સુધીના સમયગાળા દરમિયાન અજાણ્યા શખ્સો મકાનમાં ગેરકાયદેસર પ્રવેશ કરી મકાનની ઓસરીમાં પડેલ જીરાની ગુણીઓમાંથી કુલ રૂા.168000 ની કિંમતનું 16 ગુણી આશરે 48 મણ જીરુ ચોરી નાશી ગયા હતાં. આ અંગે ધર્મેશભાઈ દ્વારા ધ્રોલ પોલીસ સ્ટેશનમાં અજાણ્યા શખ્સ વિરૂધ્ધ ફરિયાદ નોંધાવતા પોલીસે ગુનો નોંધી આ અંગે વધુ તપાસ હાથ ધરી હતી.
- Advertisement -
