મેવાસા ગામે મિત્રના ઘરમાંથી રોકડ તથા મોબાઇલની ચોરી કરતા શખ્સ સામે ગુનો

ભાણવડ તાલુકાના મેવાસા ગામે રહેતા લખુભાઈ ભોજાભાઈ મકવાણા નામના 40 વર્ષના યુવાને આ જ ગામના ભીખુ એભા જોગલ નામના શખ્સ સામે રૂા. 14,000 રોકડા તથા રૂા. 5,000 ની કિંમતનો એન્ડ્રોઇડ ફોન ચોરી કરીને લઈ જવા સબબ પોલીસમાં ફરિયાદ નોંધાવી છે.

આ ફરિયાદમાં જાહેર થયેલી વિગત મુજબ આરોપી તથા ફરિયાદી મિત્ર હોય, મિત્રતાના દાવે લખુભાઈએ ભીખુ જોગલને પોતાના ઘરે પ્રોગ્રામ માટે બોલાવ્યો હતો. આ દરમિયાન ફરિયાદી લખુભાઈ બહાર જતા મોકાનો લાભ લઇ, ભીખુએ ઓશિકા નીચે રાખવામાં આવેલા રોકડ તથા મોબાઇલની ચોરી કરીને લઈ ગયાનું જાહેર થયું છે. આ બનાવ અંગે ભાણવડ પોલીસે આઈપીસી કલમ 379 મુજબ ગુનો નોંધ્યો છે.