જામનગર શહેરના લીમડાલાઈન વિસ્તારમાં બાઈક પર દારૂનું વેચાણ કરી ક્રિકેટનો ડબ્બો ચલાવતા શખ્સને એલસીબીની ટીમે રેઈડ દરમિયાન રૂા. 38,700 ના મુદ્દામાલ સાથે ઝડપી લઇ આગળની કાર્યવાહી હાથ ધરી હતી.
આ અંગેની વિગત મુજબ, જામનગર શહેરના લીમડાલાઈન વિસ્તારમાં જાહેર રોડ પર બાઇક પર બેસીને દારૂનું વેચાણ કરી ટી-20 ના મેચના પ્રસારણ ઉપર રનફેરનો જૂગાર રમાડતો હોવાની પો.કો. અજયસિંહ ઝાલા, યોગરાજસિંહ રાણા, હેકો દોલતસિંહ જાડેજા, યશપાલસિંહ જાડેજાને મળેલી સંયુકત બાતમીના આધારે પોલીસ અધિક્ષક પ્રેમસુખ ડેલુની સૂચનાથી એલસીબીના પીઆઇ કે.કે. ગોહિલ સૂચનાથી પીએસઆઈ આર.બી.ગોજિયા તથા સ્ટાફના સંજયસિંહ વાળા, હરપાલસિંહ સોઢા, અશ્ર્વિનભાઈ ગંધા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલવાડિયા, હિરેનભાઈ વરણવા, ભગીરથસિંહ સરવૈયા, હરદીપભાઈ ધાધલ, વનરાજભાઈ મકવાણા, ધાનાભાઈ મોરી, અશોકભાઈ સોલંકી, યશપાલસિંહ જાડેજા, હિતેન્દ્રસિંહ જાડેજા, દોલતસિંહ જાડેજા, ઘનશ્યામભાઈ ડેરવાળિયા, ફીરોજભાઈ ખફી, શીવભદ્રસિંહ જાડેજા, નિર્મળસિંહ જાડેજા, યોગરાજસિંહ રાણા, કિશોરભાઈ પરમાર, બળવંતસિંહ પરમાર, રાકેશ ચૌહાણ, લખમણભાઈ ભાટિયા, સુરેશભાઈ માલકિયા, ધમેન્દ્રસિંહ જાડેજા અને દયારામ ત્રિવેદી, ભારતીબેન ડાંગર સહિતના સ્ટાફે રેઈડ દરમિયાન રાજુ હાસાનંદ પરસરામાણી નામનો શખ્સ ભારત અને વેસ્ટ ઈન્ડીઝ વચ્ચે રમાતી 20-20 ક્રિકેટ મેચના જીવંત પ્રસારણ ઉપર રનફેરનો જૂગાર રમાડતા ઝડપી લઇ તેના કબ્જામાંથી રૂા.1600 ની કિંમતની ચાર બોટલ દારૂ અને રૂા.30 હજારની કિંમતનું જીજે-10-ડીએફ-3017 નંબરનું બાઈક તેમજ રૂા.2100 ની રોકડ અને પાંચ હજારનો મોબાઇલ મળી કુલ રૂા.38,700 ના મુદ્દામાલ સાથે ઝડપી લઇ આગળની કાર્યવાહી હાથ ધરી હતી.
