જામનગર મહાનગરપાલિકાના પૂર્વ વિપક્ષી નેતા અને કોંગી કોર્પોરેટર અસલમ ખિલજી કે, જેની સામે પાંચ મહિના પહેલા સીટી-એ ડિવિઝન પોલીસ મથકમાં એક યુવાનની હત્યાનો પ્રયાસ કરવા અંગેનો ગુનો નોંધવામાં આવ્યો હતો અને તે ગુનામાં છેલ્લા પાંચ માસથી નાસતા-ફરતા હતાં.
જામનગર મહાનગરપાલિકાના પૂર્વ વિપક્ષી નેતા અને વોર્ડ નં. 12ના કોંગી કોર્પોરેટર અસલમ ખિલજી કે જેની સામે આજથી પાંચ માસ પહેલા સીટી-એ ડિવિઝન પોલીસ મથકમાં એક યુવાનની હત્યાનો પ્રયાસ કરવા અંગેનો ગુનો નોંધવામાં આવ્યો હતો અને તે ગુનામાં તેઓ નાસતા-ફરતા હતા. જામનગરના કાલાવાડ નાકા બહાર રહેતા અબુ સુફીયાન નામના યુવાન સાથે જુના ચૂંટણીના મનદુ:ખ અંગે તકરાર ચાલતી હતી. અસલમ ખિલજીના કહેવાથી તેના અન્ય ચાર સાગરીતો દ્વારા તેનું અપહરણ કરાયું હતું અને જીવલેણ હુમલો કરી હત્યાનો પ્રયાસ કરવામાં આવ્યો હતો. જે અંગે સીટી-એ ડિવિઝન પોલીસ મથકમાં ગુનો દાખલ કરાયા પછી આટલા સમયથી કોર્પોરેટર અસલમ ખિલજી નાસતા-ફરતા રહ્યા હતાં. દરમિયાન તે જામનગરમાં આવ્યા હોવાની બાતમી મળતા જિલ્લા પોલીસ વડા પ્રેમસુખ ડેલુની સૂચનાથી સીટી-એ ડિવિઝન પીઆઇ એન.એ. ચાવડા અને તેની ટીમ દ્વારા અસલમ ખિલજીની ધરપકડ કરી લેવામાં આવી હતી અને અદાલત સમક્ષ રજૂ કરાતાં તેને જેલમાં ધકેલી દેવા હુકમ થયો છે.
