ભારતમાં છેલ્લા કેટલાક દિવસોથી કોરોનાના કેસમાં ભારે મોટો ઉછાળો આવ્યો છે. સ્વાસ્થ્ય મંત્રાલયે બુધવારે જાહેર કરેલા આંકડાઓ પ્રમાણે છેલ્લા 24 કલાકમાં ભારતમાં કોરોનાના 47,262 નવા કેસ સામે આવ્યા છે. આ સમયગાળામાં જ 23,907 લોકો સાજા થયા છે અને 275 લોકોના મોત થયા છે. કોરોના વાયરસના કેસ મામલે ભારત વિશ્વમાં અમેરિકા અને બ્રાઝિલ બાદ ત્રીજા ક્રમે આવી ગયું છે.
નવા કેસની સાથે જ ભારતમાં કોરોના વાયરસના કુલ કેસની સંખ્યા 1 કરોડ, 17 લાખ, 34 હજાર 58 થઈ ગઈ છે. જ્યારે 1 કરોડ, 12 લાખ, 5 હજાર, 160 લોકો અત્યાર સુધીમાં સાજા થયા છે. ઉપરાંત 1 લાખ 60 હજાર 441 લોકોએ સંક્રમણના કારણે પોતાનો જીવ ગુમાવ્યો છે. ભારતમાં હાલ કોરોનાના 3 લાખ 68 હજાર 457 સક્રિય કેસ છે.
ભારત સરકારે મોટા પાયે વેક્સિનેશન અભિયાન હાથ ધર્યું છે જે અંતર્ગત અત્યાર સુધીમાં 5 કરોડ 8 લાખ 41 હજાર 286 લોકોને વેક્સિન અપાઈ ચુકી છે. કોરોનાના કેસ વધી રહ્યા હોવાથી ભારત સરકારે 45 વર્ષ કરતા વધારે ઉંમરના લોકોને પણ વેક્સિન આપવાની જાહેરાત કરી છે.
