આજથી ધોરણ 12 વિજ્ઞાન પ્રવાહની પ્રેક્ટીકલ પરીક્ષાનો પ્રારંભ થયો છે જેમાં જામનગર જિલ્લામાંથી 1,695 વિદ્યાર્થીઓ આ પરીક્ષામાં સહભાગી થવા જઈ રહ્યા છે ત્યારે જામનગર જિલ્લા શિક્ષણાધિકારી એમ.કે.ભટ્ટ તથા ઝોનલ અધિકારી સી.એમ.મહેતાએ શહેરની દયાનંદ ક્ધયા વિદ્યાલય ખાતે આ પરીક્ષાર્થીઓને કુમકુમ તિલક કરી આવકાર્યા હતા અને તેમના ઉજવળ ભવિષ્યની શુભકામનાઓ પાઠવી હતી. અત્રે ઉલ્લેખનીય છે કે જામનગર જિલ્લામાં કુલ છ કેન્દ્રો ખાતે વિજ્ઞાન પ્રવાહ પ્રાયોગિક પરીક્ષાઓનું આયોજન કરવામાં આવ્યું છે જેમાં જામનગર ખાતે ચાર તથા ધ્રોલ ખાતે બે કેન્દ્રોની ફાળવણી કરવામાં આવી છે. તા.20 ફેબ્રુઆરી થી તા.02 માર્ચ સુધી ચાલનારી આ પરીક્ષામાં 1,695 વિદ્યાર્થીઓ પરીક્ષા આપી રહ્યા છે.
- Advertisement -
